E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ndryshim në drejtimin e prefekturës së Shkodrës/ Majlinda Angoni i lë vendin Holta Dudës

10 Nëntor 2025, 14:54, Politikë CNA

Ndryshim në drejtimin e prefekturës së Shkodrës/ Majlinda

Majlinda Angoni është liruar zyrtarisht sot nga detyra e prefektes së Qarkut Shkodër, ndërsa në vend të saj është emëruar Holta Duda.

Prezantimi i prefektes së re u bë nga zëvendësministri i Brendshëm, Julian Hodaj, në një takim me stafin e prefekturës dhe përfaqësues të institucioneve vendore.

“Jam këtu për të komunikuar lirimin nga detyra të Majlinda Angonit dhe emërimin e prefektes Holta Duda. Ne kemi një konsideratë të veçantë për rolin e prefektit, sepse është përfaqësues i këshillit të ministrave në rajon dhe ndërlidh institucionet. Aktet normative nuk janë thjesht aktet e Këshillave Bashkiakë, por edhe vetë të njësive vendore dhe prefekti lidh këto vendime si dhe koordinimin e qeverisjes lokale. Është pika ku gjithë informacioni mblidhet dhe adresohet drejt qeverisë. Si dhe adresimi i komiteteve që janë 13 ose 14 të tilla. Uroj prefekten në ikje dhe prefekten e re”, deklaroi Hodaj.

Ish-prefektja Angoni falënderoi bashkëpuntorët e saj me të cilët punoi për 5 vite radhazi.

“Faleminderit të gjithë bashkëpunëtorëve për 5 vite që punuam bashkë. Është kënaqësi që gjatë këtyre viteve bashkëpunimi ka qenë i frytshëm ndonëse disa herë i lodhshëm dhe i bukur. Falënderoj kryeministrinë për besimin e dhënë në një qark me problematika, por që jemi munduar t'i zgjidhim këto problematika. Kënaqësi që sot stafetën ia lë Holtës me energji pozitive”, tha Angoni.

Prefektja e re Holta Duda u zotua se do të vijojë me përkushtim punën për forcimin e bashkëpunimit institucional dhe për zbatimin e politikave qeveritare në territorin e Qarkut Shkodër.

“Me mirënjohje e marr këtë detyrë. Sot e marr këtë detyrë, por që ngarkohem me përgjegjësi të mëdha që do kem vullnet e integritet për të çuar përpara projektet e nisura. Pse jo edhe për të ngritur zërin për projekte të reja për të qenë në synimin final, rritjen e standardeve në qark drejt zhvillimit europian. Në profesionin tim në qendër kam pasur njeriun, dhe do të ta kem, ata do të gjejnë një derë hapur për transparencë”, u shpreh Duda.

Angoni e drejtori këtë institucion për 5 vite, ndërsa Duda vjen nga fusha e mjekësisë, pas kandidimit për deputete merr rolin e prefektes së Qarkut Shkodër./CNA