web counter
LEXO PA REKLAMA!

SHKARKO APP

App Store
Google Play

Berisha akuzon mazhorancën: Kërkon t’i mbyllë gojën opozitës dhe ta asgjësojë politikisht

10 Nëntor 2025, 13:00, Politikë CNA

Berisha akuzon mazhorancën: Kërkon t’i mbyllë gojën

Kreu i Partisë Demokratike, Sali Berisha, hodhi sot akuza se mazhoranca dhe qeveria po përpiqen në mënyrë të pandalshme dhe me vendosmëri që të shtypin opozitën.

Në fjalën e tij në nisje të mbledhjes së Grupit Parlamentar të PD-së, Berisha u shpreh se në 9 seancat e fundit parlamentare, opozita është bllokuar si asnjëherë më parë në 33 vite të pluralizmit politik.

“Mblidhemi sot jashtë radhe për shkak të një situate të jashtëzakonshme në të cilën ndodhemi për shkak të vendosmërisë së pandalshme të narkoqeverisë për të shtypur me të gjitha potencialet e saj opozitën dhe opozitarizmin. Dhe për ta shndërruar në një vegël pa vlerë për asnjë funksion për qytetarët, për t’ia mbyllur gojën dhe për ta asgjësuar politikisht në parlament. U bënë 10 seanca në të cilat qeveria, në 9 prej tyre i mohoi opozitës çdo debat për çdo çështje që i erdhi në parlament. Nuk ka ndodhur asnjëherë në historinë e pluralizmit të 33 viteve dhe asnjëherë tjetër, se nga gjithë seancat, vetëm në njërën është shprehur opozita”,-tha Berisha./CNA





Lajmet e fundit nga