web counter
LEXO PA REKLAMA!

SHKARKO APP

App Store
Google Play

E fundit!

x

Murrizi “shuplakë” PD-së/ Humbja e 5 bashkive, kambanë alarmi

10 Nëntor 2025, 18:30, Politikë CNA

Murrizi “shuplakë” PD-së/ Humbja e 5 bashkive,

Ish-deputeti Myslim Murrizi ka deklaruar se humbja e 5 bashkive me një rezultat turpërues është një kambanë e fortë alarmi për çdo opozitar.

Murrizi thekson se ky është një turp që duhet ta hanë ata që e kanë gatuar. Ish-deputeti ka folur me tone të ashpra për PD-në e cila përballë PS në zgjedhje nuk nxori asnjë kandidat, por shprehu mbështetjen për kandidatë të pavarur.

Murrizi u ka bërë thirrje demokratëve që të mos heshtin si vemje por duhet të reagojnë.

“Pjesëmarrja në zgjedhjet e 5 bashkive tregoi qartë refuzimin e qytetarëve ndaj politikës hipokrite që çdo ditë e më shumë është zbuluar se pazaret prevalojnë mbi parimet dhe “lufta” është thjesht për tu dukur ndërsa për gjërat madhore e me interes të përbashkët janë NJË.

Humbja e 5 bashkive me rezultat turpërues nga opozita por me emra kandidatësh të “pavarur” është një kambanë e fortë alarmi për çdo OPOZITAR jo për oborrtarë të opozitës.

Nëse mendoni që ky “stili” i qerasjes me kandidat në çdo palë zgjedhje shmang përgjegjësinë opozitare për çdo humbje atëherë edhe në 2027 apo 2029 bëni gati firmat për të mbështetur në 61 bashkit e vendit kandidatë të “ pavarur” dhe nuk kemi pse vrasim mendjen për humbjen sa kohë që ekonomikisht fitoni njëlloj me pushtetin.

Ky është një turp që duhet ta hanë me garuzhde ata që e gatuan me lugë gjelle.

Po për çfarë duhet një opozitë kur ajo nuk nxjerr kandidatë përballë pushtetit në zgjedhje???

Pse quhet formalisht opozitë kur me këtë stil kandidatësh i shërben pushtetit?

Apo “opozitë” quhet vetëm grupi parlamentar i leshit që nuk i pjerdh askush as në kuvend as në lagje e për të tjera nuk ka problem!!!

Pra, mjafton që ju 43 bythecë politikë siguruat një karrige deputeti pa asnjë votë nga qytetarët dhe kaq mjafton të quajturit opozitë!

Keni qysh në 11 maj pra 6 muaj që asnjëri prej jush mender deputetë të opozitës nuk keni shkuar as për kafe në qarqet ku morët mandatet sepse e dini mirë që nuk keni as kurajo e as dinjitet të takoni qytetar ndaj zgjodhët që në 5 bashki të mos vendosnit kandidat të PD që të mos dilnit asnjë ditë në fushatë.

Të nderuar DEMOKRATË.

Heshtja vret më shumë se sa çdo reagim i JUAJI prandaj mos heshtni para një tufe vemjesh që kanë kapur prej fyti PD dhe opozitën se atyre nuk ju duket vetja në opozitë.

Koha që të duartrokisni kot për t’i bërë qejfin udhëheqësit e për tu dukur si militant duhet të marrë fund përndryshe nuk do ngelen më as për të duartrokitur deri në zgjedhjet e vitit 2029”, shkruan Murrizi./ CNA





Lajmet e fundit nga