web counter
LEXO PA REKLAMA!

SHKARKO APP

App Store
Google Play

E fundit!

x

"Duhet radikalizim", Gjoni: PD të ngujohet në parlament ose të shkojë drejt grevës së urisë

10 Nëntor 2025, 22:25, Politikë CNA

"Duhet radikalizim", Gjoni: PD të ngujohet në parlament ose

Deputeti i Partisë Demokratike, Gjin Gjoni është shprehur mbrëmjen e sotme se PD duhet të radikalizohet. Gjoni është shprehur në një lidhje direkteve me emisionin “Off the Record” në A2CNN, se PD duhet të ndërmarrë hapa të mëdhenj si ngujimi në Parlament ose vajtja drejt grevës së urisë. Ai u shpreh se deputetët duhet të sakrifikojnë dhe të ndërmarrin hapa që do të kenë sukses dhe jo të veprojnë dhe mos të kenë rrugëdalje.

“Elementët që kanë dalë në raportin e OSBE/ODIHR-it duhet të sanksionohen menjëherë. Nuk është e lehtë sepse kërkohet konsensusi edhe i mazhorancës dhe mazhoranca nuk ta jep konsensusin. Heqja e koalicioneve parazgjedhore krijoi një defekt shumë të madh te opozita, e cila humbi disa mandate. Partia Socialiste, pavarësisht këmbënguljes së PD-së, nuk ka pranuar ndryshimet dhe ka pranuar vetëm vendimin e Gjykatës Kushtetuese. Partia Demokratike duhet të radikalizohet. Parlamenti nuk mund të vazhdojë dhe ne të jemi fasadë sepse neve kemi marrë një kosto edhe për shkak të futjes në Parlament. Qytetarët nuk janë të kënaqur.

Kur flas për radikalizim, mendoj për ngujimin në Parlament. Tjetër mundësi është vajtja drejt grevës së urisë, por këto hapa duhet të bëhen të mirëmenduara. Deputetët duhet të sakrifikojnë për t’i dhënë një adrenalinë të shtuar qytetarëve që presin nga ne. Dhe nëse ndërmerret një hap, duhet të kemi sukses. Jo të ndërmerret veprimi dhe të mos kemi rrugëdalje. Pastaj, kthehemi përsëri dhe Parlamenti kthehet në situatën që është sot. Nuk është normale sepse nuk respektohet as Kushtetuta dhe as rregullorja. Imagjinoni, çështja e barazisë gjinore u përpoq të lihej në 3 të mëngjesit. U ndërpre debati dhe u kalua në votim”, tha deputeti demokrat. /CNA





Lajmet e fundit nga