web counter
LEXO PA REKLAMA!

SHKARKO APP

E fundit!

x

Balla: Lidhja hekurudhore Porto Romano-Varna, në fazë konkretizimi për Shqipërinë dhe rajonin

11 Nëntor 2025, 12:49, Politikë CNA

Balla: Lidhja hekurudhore Porto Romano-Varna, në fazë konkretizimi

Kryetari i Grupit Parlamentar të Partisë Socialiste, Taulant Balla, tha sot se linja hekurudhore Porto Romano-Varna është me rëndësi strategjike për projektin e Korridorit VIII.

Gjatë fjalës së tij në mbledhjen e Komisionit për Çështjet Europiane dhe Politikën e Jashtme, Balla e cilësi linjën atë si një nga arritjet më të mëdha infrastrukturore dhe gjeopolitike të dekadave të fundit për Shqipërinë.

“Lidhja hekurudhore Porto Romano-Varna është një arritje e madhe strategjike, jo vetëm për transportin e mallrave, por edhe për mobilitetin e logjistikës ushtarake në kuadër të zhvillimeve të reja në Europë pas shkurtit të vitit 2022.

Porti i Porto Romanos, në një pjesë të tij, do të shërbejë si port ushtarak i NATO-s, duke u lidhur drejtpërdrejt me portin e Varnës. Jemi në fazën e konkretizimit të ëndrrës së shumë brezave, duke i dhënë jetë një korridori me rëndësi të madhe ekonomike, tregtare dhe ushtarake për vendin dhe rajonin.

Është koha që Shqipëria të flasë me një zë për projektet strategjike kombëtare. Pavarësisht nëse je në pushtet apo opozitë, për çështje të tilla madhore duhet të ketë konsensus dhe vizion të përbashkët. Korridori VIII është simbol i këtij vizioni europian për integrim, siguri dhe zhvillim ekonomik”,-tha Balla./CNA





Lajmet e fundit nga