web counter
LEXO PA REKLAMA!

SHKARKO APP

E fundit!

x

"Atentati pranë Rinasit, si Palermo e viteve '80"/ Gjin Gjoni: Rama i bëri kriminelët biznesmenë

11 Nëntor 2025, 19:03, Politikë CNA

"Atentati pranë Rinasit, si Palermo e viteve '80"/ Gjin

Deputeti i Partisë Demokratike, Gjin Gjoni ka reaguar për atentatin e ndodhur ditën e sotme te rrethrrotullimi i Rinasit, ku mbeti viktimë Gilmando Dani dhe u plagos rëndë, Muçi Shaljani.

Në postimin e Gjonit, thuhet atentati i Rinasit ekspozon Shqipërinë si Palermo e viteve 1980. Ai shprehet se ky krim është këmbanë alarmi për rendin dhe sigurinë, që cënohet nga grupet kriminale.

Sipas deputetit, anëtarët e këtyre grupeve janë fuqizuar duke u kthyer në biznesmenë nga kryeministri Edi Rama.

Reagimi i plotë:

Rama u veshi kriminelëve kostumin e biznesmenit, qytetarët në mëshirë të plumbave që derdhin bandat!

Një atentat që e ekspozon Shqipërinë si Palermon e viteve 1980 u shënua sot pranë Aeroportit të Rinasit, në Tiranë, një prej zonave që do të duhej të ishte më e sigurt në Republikën e Shqipërisë.

Një personazh i njohur i drejtësisë mbeti i vrarë, ndërsa shoferi i tij, agjent i Policisë së Shtetit, mbeti i plagosur rëndë.

Breshëritë e plumbave u derdhën në bizneset aty afër dhe rrezikuan jetën e mijëra qytetarëve.

Ky atentat është një këmbanë alarmi për rendin dhe sigurinë, që prej vitesh në Shqipëri janë në mëshirën e grupeve kriminale, të cilat Edi Rama i ka fuqizuar, duke i kthyer në biznesmenë.

Sot në Shqipëri askush nuk ka më garanci për jetën, ndaj qytetarët duhet t’i dalin zot vendit.

"Atentati pranë Rinasit, si Palermo e viteve '80"/ Gjin/CNA





Lajmet e fundit nga