web counter
LEXO PA REKLAMA!

SHKARKO APP

App Store
Google Play

E fundit!

x

Projektbuxheti 2026/ Bylykbashi: Ministria e Drejtësisë të mos kënaqet me shifra të vogla

12 Nëntor 2025, 10:46, Politikë CNA

Projektbuxheti 2026/ Bylykbashi: Ministria e Drejtësisë të mos

Deputeti demokrat, Oerd Bylykbashi, tha sot se Ministria e Drejtësisë, për nga detyrat që mban, duhet të ketë një buxhet më të madh.

Në fjalën e tij në Komisionin e Çështjeve Ligjore, Bylykbashi u shpreh se kjo ministri nuk duhet të kënaqet me këto shifra, pasi i duhet të ndërhyjë në shumë sektorë.

Bylykbashi shtoi se buxheti i ministrisë duhet të harxhohet në mënyrë të plotë, në mënyrë që të diskutohet edhe mundësia për shtimin e buxhetit.

“Ju erdhët dhe e bëtë detyrën tuaj. Thatë edhe diçka interesante, se institucioni duhet parë përtej kësaj. Ndërkohë që ka shumë gjëra poshtë vetes, ministria është e kënaqur me një buxhet të vogël. Mban edhe flamur të çuarjes përpara të një sërë reformash. Dhe motorët nuk janë ndezur ende. Ky buxhet nuk i mjafton, aq më shumë që të ndërhyjë në disa sektorë. Dhe është fakt. Ka kosto të lartë edhe prej abuzimit me masat e sigurisë. E kemi diskutuar edhe më herët. Kemi 60% të paraburgosur dhe e gjitha kjo është kosto. Ne nuk shohim në këtë buxhet një gjë që të kuptohet se ka reformë. Fondi kosumohet në përqindje, por pse nuk arrihet të harxhohet në mënyrë të plotë? Fondi duhet të shkojë 100% që të diskutojmë se si ta shtojmë. Janë mijëra dosje që mund të trajtohen edhe nga shërbimi i provës”,-tha Bylykbashi./CNA





Lajmet e fundit nga