web counter
LEXO PA REKLAMA!

SHKARKO APP

App Store
Google Play

Projektbuxheti 2026/ Prokurori Mara: SPAK dhe BKH, më shumë kapacitete për hetimin penal e pasuror

12 Nëntor 2025, 12:00, Politikë CNA

Projektbuxheti 2026/ Prokurori Mara: SPAK dhe BKH, më shumë kapacitete

Prokurori Vladimir Mara ishte sot i pranishëm në Komisionin për Çështjet Ligjore dhe Administratën Publike, në seancën dëgjimore për disa institucione lidhur me shqyrtimin e projektligjit “Për buxhetin e vitit 2026”.

Në fjalën e tij, Mara u shpreh se buxheti i parashikuar për vitin e ardhshëm synon të përmbushë objektivat prioritarë e strategjikë, që kanë në thelb luftën kundër korrupsionit dhe forcimin e shtetit ligjor.

“Projektbuxheti është i ndarë në buxhetin për SPAK-un dhe BKH-në. Synon përmbushjen e objektivave prioritarë e strategjikë, si përmirësimin e kapaciteteve të hetimit penal, forcimin e kapaciteteve për hetimet financiare e pasurore dhe ndjekjen efektive të konfiskimit të pasurive të paluajtshme e të paligjshme, qasje proaktive në hetimin e pastrimit të produkteve të veprës penale, thellimin e bashkëpunimit ndërkombëtar, forcimin e transparencës, llogaridhënies dhe teknologjinë e qëndrueshme. Këto aspekte synojnë përmbushjen e objetivave të SPAK-ut për luftën kundër korrupsionit në Shqipëri. SPAK-u synon të kontribuojë në forcimin e shtetit ligjor. Buxheti ka pësuar një rritje, me parashikim për 336 milionë lekë për shpenzime pagash, transferta. Parashikimet pë pagat arrijnë në rreth 1.6 miliardë lekë, nga të cilat 621 milionë lekë për SPAK-un dhe 1.4 miliardë për BKH-në”,-tha Mara./CNA





Lajmet e fundit nga