web counter
LEXO PA REKLAMA!

SHKARKO APP

App Store
Google Play

Konferenca e përbashkët me Ramën/ Meloni: Shqipëria po sillet si vend anëtar i BE-së

13 Nëntor 2025, 15:31, Politikë CNA

Konferenca e përbashkët me Ramën/ Meloni: Shqipëria po

Pas shkëmbimit të marrëveshjeve të nënshkruara, kryeministri Edi Rama dhe homologia e tij, Giorgia Meloni, po zhvillojnë një konferencë të përbashkët për mediat.

Meloni u shpreh gjatë fjalës së saj se në takimin e tyre janë përcaktuar sektorët se ku do të vijojë bashkëpunimi mes dy vendeve, ndërsa shtoi se vëmendje të veçantë merr Korridori VIII.

Ajo u shpreh se me nënshkrimin e protokollit Shqipëria po sillet si vend anëtar i Bashkimit Europian, ndërsa foli edhe për luftën e përbashkët kundër emigracionit të paligjshëm.

"Ne e dimë që marrëdhëniet mes Italisë dhe Shqipërisë i kanë rrënjët e thella. Shkojnë përtej interesave, kemi qenë të mallëngjyer nga kalimi i asamblesë sonë plenare me të paktën 20 ministra që morën fjalën duke folur në mënyrë ekskluzive italisht, pa pasur përkthim. Mendoni se si Italia ka qenë dhe është pikë referimi për Shqipërinë. Duam që marrëdhënien ta shndërrojmë në thesar. Italia është partneri i parë tregtar i Shqipërisë, do t’i vendosim marrëdhëniet tona në një plan më të thellë. Kemi lënë një tjetër takim për krijimin e një forumi ku do të përfaqësohen ndërmarrje.

Kemi përcaktuar sektorët se ku do të vijojë bashkëpunimi ynë. Vëmendja jonë është te Korridori VIII. Kemi diskutuar gjatë me Ramën për protokollin me Shqipërinë, pasi ajo që u tregua në nënshkrimin e këtij protokolli është se Shqipëria po sillet si vend anëtar i BE-së. Unë gjykoj se protokolli që kemi nënshkruar është me frymë të thellë europiane, sepse emigracioni është problem europian. Një protokoll që ka ngjallur interesin edhe te shumë vende të tjera. Shumë punuan fort për ta ndaluar fort, por nuk arritën. Kjo është ajo që mund të sjellim për sa është i pjekur bashkëpunimi mes nesh", tha Meloni. /CNA





Lajmet e fundit nga