web counter
LEXO PA REKLAMA!

SHKARKO APP

App Store
Google Play

Gara për Avokatin e Popullit/ Saimir Vishaj: Vizioni im, tu shërbej me dinjitet qytetarëve shqiptarë

13 Nëntor 2025, 16:27, Politikë CNA

Gara për Avokatin e Popullit/ Saimir Vishaj: Vizioni im, tu shërbej me

Avokati Saimir Vishaj ndau sot vizionin e tij për garën për Avokatin e Popullit.

Në fjalën e tij në Komisionin për Çështjet Ligjore, Vishaj u shpreh se synon të jetë mbrojtësi më i mirë dhe më reagues i të drejtave dhe lirive, në zbatim të ligjeve dhe Kushtetutës.

Vishaj theksoi edhe misionin e kësaj detyre, që në rast zgjedhjeje u zotua ta kryejë në shërbim të qyetarëve dhe ligjit.

“Avokati i Popullit është institucioni më i lartë i mbrojtjes së qytetarit. Në një realitet ku qytetari përballet shpesh me indiferencë, vizioni është të krijohet një avokaturë reaguese, që e vendos qytetarin në qendër të veprimit publik. Misioni im bazohet në nenin 60 të Kushtetutës, ku Avokati i Popullit është i pavarur, në respektim të të drejtave të njeriut dhe lirive. Mbështetur në nenin 60, pika 2, nuk i nënshtrohet asnjë urdhri. Vendosja e një linje emergjente për qytetarët në vështirësi është një nevojë imediate. Duhet monitorim i ekzekutimit të masave penale, luftë kundër mosveprimit administrativ, rishikim të kërkesave të vonuara, përgjegjësi disiplinore të funksionarëve publikë. Si garant i shtetit të së drejtës, duhen përgatitur raporte të posaçme në disa fusha dhe ndjekje e zbatimit të vendimeve gjyqësore, në bashkëpunim me ministritë dhe Kuvendin. Do punoj për një Avokat të Popullit më dinjitet dhe në shërbim të popullit”,-tha Vishaj./CNA





Lajmet e fundit nga