web counter
LEXO PA REKLAMA!

SHKARKO APP

App Store
Google Play

Çështja “21 janari”/ Berisha nuk paraqitet në SPAK

14 Nëntor 2025, 11:29, Politikë CNA

Çështja “21 janari”/ Berisha nuk paraqitet në SPAK

Kreu i Partisë Demokratike, Sali Berisha, nuk është paraqitur ditën e sotme në Prokurorinë e Posaçme pas fletëthirrjes për çështjen e “21 janarit”. Sipas raportimeve, Kuvendi ka deklaruar se fletëthirrja e SPAK-ut e dërguar për Berishën, nuk është tërhequr nga Grupi Parlamentar i PD-së.

Një ditë më parë, Berisha tha se nuk i ka mbërritur një fletëthirrje e tillë. Në lidhje me çështjen e “21 janarit”, ai u shpreh se pengimi i hetimit të “21 janarit” është bërë nga Edi Rama dhe po përdoret prej 13 vitesh për propagandë.

“I jam përgjigjur gjithë jetën time çdo thirrjeje. Normal që do t'i përgjigjem, por ka vetëm një kusht që unë të marr thirrje. Ata që e përdorin për propagandë ata tregojnë se janë shërbëtorë mjeranë të një bande që vjedh ditë e natë qytetarët shqiptarë. Unë i jam përgjigjur çdo fletëthirrjeje”, tha Berisha.

Kujtojmë se Berisha është thirrur si person në dijeni për dosjen e ngjarjes së 21 janarit 2011. Kryetari i PD-së ka mbajtur postin e kryeministrit gjatë demonstratës së 21 janarit 2011, kur në bulevardin “Dëshmorët e Kombit” mbetën të vrarë 4 persona dhe u plagosën disa të tjerë. 

“Për nevoja të hetimit, me urdhërin e datës 03.11.2025 "Për thirrjen e shtetasit", është urdhëruar thirrja e shtetasit Sali Berisha, i biri i Ramë dhe Shiqere, i datëlindjes 15.10.1944, me kombësi dhe shtetësi shqiptare, lindur në Tiranë dhe banues në Njësinë Bashkiake nr. 2 Tiranë, për tu paraqitur në Prokurorinë e Posaçme Kundër Korrupsionit dhe Krimit të Organizuar, me qëllim pyetjen e tij me cilësinë e personit që tregon rrethana të dobishme për hetimin, në lidhje me procedimin penal nr.138 të vitit 2024, konkretisht për rrethanat e hetimit që kanë të bëjnë me ngjarjen e datës 21 Janar 2011”, thuhej në fletëthirrje. /CNA 

 





Lajmet e fundit nga