web counter
LEXO PA REKLAMA!

SHKARKO APP

App Store
Google Play

Rama, mesazhe të forta: Ose të ecim përpara, ose të mbyllim sytë para ajsbergut që do të na fundosë të gjithëve

14 Nëntor 2025, 09:46, Politikë CNA

Rama, mesazhe të forta: Ose të ecim përpara, ose të mbyllim

Kryeministri Edi Rama ka qenë i pranishëm në Konferencën Vjetore të IAIS (Organizata Botërore e Mbikëqyrësve të Sigurimeve), mbledhja më e madhe e mbikëqyrësve të sigurimeve, që zhvillohet për herë të parë në rajonin e Ballkanit.

Rama theksoi se modernizimi i mbikëqyrjes së sigurimeve në Shqipëri shënon një hap të rëndësishëm drejt një sistemi më të integruar financiar.

Kryeministri tha se sfidat janë të shumta, por gjithashtu edhe mundësitë. Kështu, përmes inovacionit, tha Rama, mund të transformohet pasiguria në rezistencë, kompleksiteti në forcë dhe kriza në mundësi të reja.

Ndër të tjera, Rama nënvizoi se kjo është botë e guximtarëve ose të gjitha kombet do të bëhen bashkë për të shpëtuar njerëzimin ose njerëzimi do të shkojë në ferr me të gjitha kombet.

“Progresi është i dukshëm, siç theksohet në raportin e KE-së, modernizimi i mbikëqyrjes së sigurimeve në Shqipëri shënon një hap të rëndësishëm drejt një sistemi më të integruar financiar.

Sfidat janë të pamata, por edhe mundësitë. Përmes inovacionit mund të transformojmë pasigurinë në rezistencë dhe kompleksitetin në forcë dhe krizën në mundësi të reja.

Kjo është botë e guximtarëve dhe është një moment kur zgjedhja nuk mund të jetë më e qartë, o të ecim përpara në rrugëtimin e inercisë, o të mbyllim sytë përballë ajsbergut para se ajsbergu të na fundosë të gjithëve apo të jemi të guximshëm për të çelur një shteg të ri që do të na shpëtojë të gjithëve. Ajo që është me interes në botën e sotme është se askush nuk mund ta shpëtojë veten apo kombin e tij i vetëm. Ose të gjitha kombet do të bëhen bashkë për të shpëtuar njerëzimin, ose njerëzimi do të shkojë në ferr me të gjitha kombet”, tha Rama./ CNA





Lajmet e fundit nga