web counter
LEXO PA REKLAMA!

SHKARKO APP

App Store
Google Play

E fundit!

x

Berisha takim me deputetin britanik/ Çfarë u diskutua

15 Nëntor 2025, 17:49, Politikë CNA

Berisha takim me deputetin britanik/ Çfarë u diskutua

Kryetari i Partisë Demokratike, Sali Berisha ka zhvilluar një takim me Martin Wickers, deputet i Partisë Konservatore në Britaninë e Madhe.

Berisha njofton se në takim kanë diskutuar për zhvillimet në Shqipëri, dhe për ato që ai i cilëson si lidhjet e pazgjidhshme të niveleve më të larta të pushtetit me kartelet e drogës dhe organizatat kriminale.

Postimi i plotë:

Takim me Martin Wickers

Deputet i Partisë Konservatore në Parlamentin e Britanisë së Madhe dhe kryetar i grupit të miqësisë Britani e Madhe – Shqipëri.

Të dashur miq, dje pasdite prita në takim z. Martin Wickers, deputet i Partisë Konservatore në Parlamentin e Britanisë së Madhe, mik i Partisë Demokratike dhe kryetar i grupit të miqësisë Britani e Madhe – Shqipëri.

Në këtë takim diskutuam gjerësisht për zhvillimet në Shqipëri si narko-shteti i parë dhe i vetëm në Europë, lidhjet e pazgjidhshme të niveleve më të larta të pushtetit dhe vetë Edi Ramës me kartelet e drogës dhe organizatat kriminale, shtypjen e pluralizmit politik nga organet e narko-shtetit, ndjekjen dhe persekutimin nëpërmjet prokurorisë politike të drejtuesve të forcave kryesore politike të vendit, mohimin e të drejtave kushtetuese të deputetëve të opozitës në Parlament.

Në këtë takim e njoha deputetin britanik me pasojat shkatërrimtare të narko-eurove dhe narko-dollarëve të karteleve të drogës në ekonominë shqiptare, si dhe rolin e tyre përcaktues në vendimmarrjen në rrugë, në qeveri, në Parlament, në gjykata, polici dhe në çdo institucion të vendit.

Takimi ishte i hapur.

/CNA





Lajmet e fundit nga