web counter
LEXO PA REKLAMA!

SHKARKO APP

App Store
Google Play

“Moratoriumi i gjuetisë ka rënë”/ Burri për CNA: Ligji i ri, me disa etapa që do kalojnë në komisione

16 Nëntor 2025, 18:07, Politikë CNA

“Moratoriumi i gjuetisë ka rënë”/ Burri për CNA:

Kryetari i Shoqatës së Gjuetarëve të Tiranës, Armand Burri shpjegoi sot se teknikisht dhe ligjërisht, Moratoriumi i Gjuetisë i viti 2013 ka rënë.

Në një intervistë për CNA, Burri ndau detaje nga ligjet që po merren më tepër në konsideratë dhe etapat që do të kalojnë nëpër komisionet parlametare.

 “Tani, ne kemi në Shqipëri moratoriumin që ka vazhduar në 2013-ën, që do të thotë kanë  qenë dy pesëvjeçarë të moratoriumit dhe ka qenë dhe një trevjeçar i fundit që i përket vitit 2022. Përkatësisht ligji 60/2022, i cili ka marrë miratim në 22.07.2022. Dhe dhe ky ka qenë moratorium me afat kohor trevjeçar. Që në të cilën do të thotë se në momentin që në vitin 2025, në korrik të 2025-ës, kishte dy rrugë: ose do vazhdonte moratoriumi i ri dhe dhe dhe ministria do paraqiste një ligj të ri në lidhje me moratoriumin, që do të thotë se do të kishte një afat tjetër trevjeçar, një shtyrje tjetër trevjeçare ose pesëvjeçare, si ta logjikonin ata të korrikut të 2025-ës. Ministria, së bashku me ne, me Federatën Kombëtare dhe shoqatat, kanë dhënë sugjerime në lidhje për ligjin e ri dhe miratuar dhe kaluan për miratim ligjin e ri. Por ligji i ri ka disa etapa që do kalojnë komisione dhe këto të tjera që tani jemi në përfundim dhe shpresojmë që deri në në, po themi, deri në fund të nëntorit të kemi ligjin e ri për gjuetinë”,-tha Burri.

I pyetur lidhur me raste të kapura në flagrancë të gjuetisë së paligjshme, Burri tha se në këtë periudhë, teknikisht dhe ligjërisht, moratoriumi i vitit 2013 ka rënë.

“Si Kryetar i Shoqatës së Gjuetarëve të Tiranës, kam pasur dhe dy raste në të cilat kemi folur dhe me organet kompetente. Tani, ligjërisht, moratoriumi i gjuetisë ka rënë. Sepse është me afat të përcaktuar dhe një ligj me afat të përcaktuar, automatikisht ka rënë. Ose do merrej zbatimi i ligjit, që po themi, do bënim shtyrjen e moratoriumit, ose do të çonim ligjin e ri. Në momentin që është çuar ligji i ri, automatikisht dhe ligjërisht, moratoriumi ka rënë”,-shpjegoi Burri./CNA

 

 





Lajmet e fundit nga