web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Sot çelim siparin e stinës së pandërprerë të protestave opozitare

17 Nëntor 2025, 12:49, Politikë CNA

Berisha: Sot çelim siparin e stinës së pandërprerë

Kreu i Partisë Demokratike, Sali Berisha, deklaroi sot se kjo e hënë shënon çeljen e siparit të stinës së pandërprerë të protestave të opozitës.

Në një konferencë me gazetarët nga selia e PD-së, Berisha tha se protestat thirren në kushtet kur pushteti i shndërroi zgjedhjet e 11 majit në farsë.

Berisha shtoi se shqiptarët kanë në dorë të gjitha provat për këtë proces, që nuk ishte i lirë dhe i ndershëm.

“Populli opozitar inauguron sot fillimin e foltores parlamentaro-qytetare, para ambienteve të Kryeministrisë. Me kërkesë për dorëheqjen e Edi Ramës, si hap i parë drejt një qeverie teknike dhe zgjedhjeve të parakohshme të lira e të ndershme. Kjo protestë thirret në kushtet kur opozita bëri gjithçka për një proces zgjedhor të lirë e të ndershëm, por edhe për të çuar zgjedhjet në farsë. Duke u faktuar kështu shqiptarëve dhe botës se nuk ka shpresë të pushtetit me votë të lirë, për sa kohë Edi Rama të jeë kryeministër. Çelja e siparit të stinës së pandërprerë të protestave, por e bëri një kompleks rrethanash. Sot çdo shqiptar që ka ideal votën e lirë dhe e do votën e lirë ka në dorë dokumente ndërkombëtare, që provojnë se Rama zhvillon farsë dhe jo zgjedhje”,-tha Berisha./CNA

 





Lajmet e fundit nga