web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Irena Gjoka, personifikimi më autentik i narkoshtetit shqiptar

17 Nëntor 2025, 10:35, Politikë CNA

Berisha: Irena Gjoka, personifikimi më autentik i narkoshtetit shqiptar

Kryetari i Partisë Demokratike, Sali Berisha, pas paraqitjes së sotme në Prokurorinë e Posaçme ka dhënë dhe një prononcim për gazetarët.

Berisha tha se ditën e sotme do të paraqiste para gazetarëve mbrojtjen që sipas tij kryeministri Edi Rama i ka bërë gjyqtares, Irena Gjoka. Këtë të fundit Berisha e cilësoi si “personifikimi i narkoshtetit”.

"Sot do të paraqes para jush të gjithë mbrojtjen që Edi Rama i bën delikuentes Irena Gjoka, e cila është personifikimi më autentik i narkoshtetit shqiptar dhe funksionimit të sistemit jurudik të tij. Më 26 tetor 2023, kërkesës së avokatëve të mi për dorëheqje për konflikt interesi, meqë ishte shkarkuar nga KLD në vitin 1996, Irena e refuzoi me pretekstin se ju nuk keni dokumente. Pra, unë jam shkarkuar, thoshte ajo, por ju nuk e keni dokumentin. Në nëntor të vitit 2023, KLGJ u jep avokatëve të mi vendimin e KLD-së për shkarkimin e Irena Gjokës në vitin 1996, por dy javë më pas ky institucion gënjen deputetët e PD-së duke u shkruar se gjoja nuk ka vendimmarrje të KLD-së në vitin 1996. Pra, shikoni, institucion shtetëror, i cili dy javë më parë kishte dhënë vërtetimin për shkarkimin e saj, madje edhe kopjen e vendimit të shkarkimit, dy javë më vonë u përgjigjet deputetëve të PD-së se një vendiim i tillë nuk ekziston pasi merr urdhrin nga Edi Rama.

Në dhjetor 2023, kërkesës së avokatëve të mi për dorëheqje për konflikt interesi, nuk e pranoi përsëri sepse jo sepse tashmë nuk e kishte vendimin, por sepse sipas saj ky ishte një vendim kolegjial duke dëshmuar një injorancë të plotë dhe totale sepse KLD kryesohej në atë kohë nga presidenti i Republikës. Gazeta greke 'Ta Nea' boton në mars 2024 shkrimin se Irena Gjoka është dëbuar nga Greqia si falsifikatore. Më 4 mars 2024, KLGJ nxjerr deklaratë në mbrojtje të Irena Gjokës, në vend që ta hetonte atë.

Pra, betohet për virgjërinë politike dhe korruptive të Irena Gjokës. Imagjinoni ju se çfarë institucioni është ky. Pra, betohej për kokën e Irenës. Me datën 4 maj 2024, e shtuna dhe e diela e Pashkës, gazeta 'Protothema' nxjerr vendimin e gjykatës për dëbimin e Irena Gjokës. Me datën 7 maj 2024, prokuroria e përgjithshme deklaron se po nis hetim të thelluar. Pra, mbi 18 muaj hetimi i thelluar mbahet në sirtar. Me datën 2 maj të vitit 2025, Gjykata e Janinës lëshon vendimin me vulë apostile jo vetëm për dëbimet e Irenës, por edhe për vendimin penal të formës së prerë.

Më 5 maj 2025 paraqita këtu para jush dokumentin me vulë apostile, të cilin e mori vesh dhe e pa e gjithë Shqipëria. Më 5 maj të vitit 2025, delinkuentja Irena Gjoka mohon që të jetë dënuar apo dëbuar nga Greqia në një intervistë që i dha gazetës 'BIRN', çka përbën një mashtrim publik dhe në terma ligjorë përbën një krim në vazhdim.

Më 6 maj 2025 del prokura e vitit 2003 që Irena Gjoka kishte lëshuar për noterin në Fier për të marrë avokat për të kundërshtuar vendimin e dëbimit. Pra, bie alibia që nuk kishte dijeni. E kuptoni se kush janë këta? Çdo epitet meritojnë që vendosin për fajësinë apo pafajësinë e qytetarëve shqiptarë, për mbrojtjen e interesave të tyre ligjore, për ndëshkimin e kriminelëve, urdhëroni pra se çfarë ndodh me ta", tha Berisha. /CNA





Lajmet e fundit nga