web counter
LEXO PA REKLAMA!

SHKARKO APP

App Store
Google Play

E fundit!

x

Kërkesa e PD-së për mocion me debat për krimin e organizuar/ Mazhoranca kërkon ta shtyjë

18 Nëntor 2025, 11:07, Politikë CNA

Kërkesa e PD-së për mocion me debat për krimin e organizuar/

Partia Demokratike ka kërkuar, në Konferencën e Kryetarëve, mocion me debat për luftën ndaj krimit të organizuar në vend. Mazhoranca e ka kundërshtuar këtë dhe ka kërkuar që debati të shtyhet për një sesion tjetër parlamentar.

Kreu i Grupit Parlamentar të PD-së, Gazment Bardhi, ka kërkuar konkretisht që debati të zhvillohet më 18 dhjetor, për shkak se atë ditë në seancë ka vetëm njoftime dhe diskutime për çështje jashtë rendit të ditës.

“Ne nuk mund ta shtyjmë, sepse rregullorja përcakton që mocioni duhet të zhvillohet brenda 30 ditëve. Ne kemi dëgjuar institucionet e sigurisë, por mocioni lidhet me qeverinë. Pra, kërkon të njihet dhe të debatohet mbi masat që ka marrë qeveria. Kërkesa vjen në kuadër të raporteve ndërkombëtare që flasin për rritjen e fuqisë së krimit të organizuar dhe çmoj se është pikërisht momenti që të zhvillohet ky debat. Unë propozoj që debatit t’i caktohet data 18 dhjetor, sepse atë ditë parashikohet një seancë që ka vetëm njoftime dhe diskutime për çështje jashtë rendit të ditës. Shtoni një pikë në rendin e ditës, që të jetë pikërisht debati për masat e qeverisë në raport me krimin e organizuar”, është shprehur Bardhi. /CNA





Lajmet e fundit nga