"Ribashkimi i Europës sjell prosperitet"/ Rama: Shqipëria do të shtojë buzëqeshjen në fytyrën e ngrysur të BE-së

18 Nëntor 2025, 16:13, Politikë CNA

"Ribashkimi i Europës sjell prosperitet"/ Rama: Shqipëria do

Kryeministri Edi Rama në fjalën e tij gjatë Forumit të Zgjerimit në Bruksel deklaroi se pavarësisht diferencave të qytetarëve shqiptarë me qytetarët e Bashkimit Europian ata janë 100% mbështetës të BE-së.

Rama tha se Shqipëria duhet të jetë pjesë e BE-së sepse do të sjellë në tryezën e rrumbullakët novacion, burime, pozicion, pasuri, asete, energji dhe një buzëqeshje të madhe në fytyrën e ngrysur të BE-së. Kryeministri Rama tha se zgjerimi i Europës është ribashkim.

"Shqiptarët janë 100% mbështetës të BE pavarësisht problemeve. Qytetarët e BE janë rritur mbi jastëkë të butë ku rregullohet edhe gërrhima e maces.

Një perde e hekurt idelogjike na ndau dhe bisha e totalitarizmit na mësoi se cenimi i paqes ishte afër. Ne shqiptarëve nuk na duheshin klithmat e Putinit në dyert e BE-së, as shumë mund të kjtonim totalitarizmi ng ai cili u shkëputëm duke thirrur r duam Shqipërinë si gjithë Europa.

Askush nuk ka ndërtuar diçka të ngjashme më parë prandaj duam të jemi pjesë, prandaj shqiptarët do të bëjnë gjithçka për ta arritur. Jo shumë kohë më parë fjala BE mbante erën e tradhtisë. Çfarë është BE?

Ribashkimi shëron plaget historike, rikthen identitetin e atyre që u ndanë me dhunë

Ribashkimi zgjeron zonën e paqes sepse ribashkimi zgjeron demokracinë dhe stabilitetin. Europa do të jëtë më e sigurt kur të mos ketë vetëm dy kufij.

Ribashkimi për popuj si vendet Baltike dhe Polonia është fanar. Imagjinoni këto vende jashtë BE-së.

Ribashkimi sjell prosperitet sepse zgjerimi sjell novacion, burime, pozicion, pasuri, asete, energji dhe një buzëqeshje të madhe në fytyrën e ngrysur të BE-së.

Sa herë që BE zgjerohet funksionon.

Na duhet përgjigja për të gjithë ata që thonë se BE nuk do të funksionojë, funksionon nëse nuk vendosim veto dhe komisionerë.

Planeti rrotullohet në një drejtim, por jo bota. Të vepruarit mbi iluzione rrit rrezikun, demagogjia është një rrezik, po grumbullohen re, po rriten spekulimet.

Një Europë e bashkuar është një Europë që vendos fatin e saj jo ajo që ecën në stuhinë e ngritur nga të tjerët.

Ribashkimi nuk është një favor që të vjetrit ua bëjnë të rinjve por një fat i përbashkët.

Ndonjëherë duhet t’i përgjigjem pyetjes pse BE duhet ta ketë Shqipërinë në tryezën e rrumbullakët?

Shqipëria sjell në tryezë shpirtin e madh të dikurshëm të Europës dhe është një gur i çmuar në këtë kurorë. Jemi të përkushtuar dhe nuk do të ndalemi, ne ndjejmë përgjegjësinë ndaj BE-së ditë më ditë.

Burrat ballkanas kur marrin fjalën thonë që do ta mbyllin por nuk e mbyllin, por po i jap një këshillë Martës: Teksa shkruan historinë me ne duhet të shkruajë një libër me titullin Antologjia dhe kapitullin për Shqipërinë do ta shkruaj unë.

Tortura e BE-së po funksionon, ne do të jemi pjesë pa sjellë dhimbje koke nga Ballkani", deklaroi Rama./CNA