web counter
LEXO PA REKLAMA!

SHKARKO APP

App Store
Google Play

Sërish “fake news” nga propaganda e Veliajt

20 Nëntor 2025, 16:07, Politikë CNA
Sërish “fake news” nga propaganda e Veliajt
Erion Veliaj

Një lajm ka dalë sot nga mediat që i mbajnë ison kryebashkiakut të arrestuar dhe bëjnë propagandën e tij, të cilat kanë raportuar se Autoritetet e Këshillit të Europës kanë kërkuar takim me Erion Veliajn.

Në fakt, ky është një mashtrim. Nuk ka asnjë autoritet të Këshillit të Europës që të ketë kërkuar të takojë Erion Veliajn.

CNA i është drejtuar zyrtarisht dhe ka marrë një përgjigje zyrtare se nuk ka ndonjë kërkesë nga Autoritetet e Këshillit të Europës për takimin me zotin Veliaj.

Sipas burimeve zyrtare, është ky i fundit që i ka kërkuar SPAK-ut që të bëjë takim me Autoritetet e KE-së në funksion të ushtrimit të detyrës së tij si kryetari i Bashkisë së Tiranës.

Erion Veliaj vijon që të sillet edhe në burg si kryebashkiaku i kryeqytetit kur në fakt Gjykata Kushtetuese ka thënë se shkarkimi i tij është i paligjshëm, por ai është i arrestuar dhe mbahet në burg për 13 akuza për 5 vepra të rënda penale dhe do të gjykohet për to.

Shkarkimi u rrëzua nga Gjykata Kushtetuese, por kjo nuk do të thotë që Erion Veliaj duhet të dalë nga burgu dhe të shkojë të takojë kë i do qejfi e si i do qejfi, qofshin këta dhe zyrtarë të KE-së, të cilët në fakt nuk kanë bërë asnjë kërkesë për të takuar kryebashkiakun e Tiranës./ CNA





Lajmet e fundit nga