Një tjetër "krim" në Polici nga Ilir Proda

10 Nëntor 2025, 14:00, Aktualitet CNA

Oficeri i policisë gjyqësore, i cili guxoi të zbatonte ligjin dhe të sekuestronte telefonin e Erion Veliajt, nga 10 shkurti i këtij viti është “degdisur” në Shkodër. Nuk kaluan as 24 orë pasi ai zbatoi ligjin dhe i mori telefonin kryebashkiakut dhe për këtë arsye, ky ishte "krimi" që kishte bërë oficeri Klidi Proko, për t'u “degdisur” në Shkodër.

I sekuestroi telefonin Veliajt/ Si u degdis në Shkodër oficeri i policisë
10 Nëntor, 12:37

Por në fakt, "krimin" e ka bërë Ilir Proda, sepse oficeri i policisë gjyqësore nuk ka shkelur ligjin. Dhe për këdo që pretendon se gjithçka mund të gjendej te celulari, Erion Veliaj ndoshta e kishte ndërruar 100 herë. Dhe s'kishte nevojë për prova që dilnin nga telefoni i tij. Pasi është i vetmi rast i vërtetuar i një kryetari bashkie ndoshta në Europë ose botë, që paratë që firmos me dorën e tij si kryetar i bashkisë, në fund përfundojnë te xhepat e bashkëshortes së tij apo të familjarëve të tij. Dhe skema është e qartë, ndoshta as nuk kishte nevojë fare për t'ia marrë telefonin.

Por, Ilir Proda tregon se është përtej një ushtari politik. Në mënyrë kriminale e ka "degdisur" në Shkodër një oficer profesionist. Ne as nuk e njohim dhe as nuk e dimë kush është ky njeri me kurajë që ka zbatuar ligjin dhe sot po vuan pasojat vetëm se është treguar shtetar, zbatues i rreptë i ligjit.

Kupola e policisë e kriminalizuar/ Pse Ilir Proda nuk mban përgjegjësi?
3 Mars, 19:59

Megjithëse, gjatë shoqërimit të Erion Veliajt ka një problematikë. Atij nuk i janë hedhur prangat si gjithë të tjerëve. Por është marrë dhe si një zonjë e bukur është hipur në makinë. Megjithëse pretendon se është trajtuar brutalisht. Kur në fakt ka shkuar si udhëheqës i madh në makinë. Madje oficerët që e shoqëronin duken si bodigardët e tij, më shumë sesa njerëz që po e arrestojnë duke zbatuar ligjin.

Dhe Ilir Proda, ndoshta pas ankesave të avokatëve dhe zdromsit të vet, ka bërë krimin e radhës, e ka "degdisur" oficerin e policisë gjyqësore, thjesht dhe vetëm se i mori telefonin Erion Veliajt.

A ka telefon Veliaj në qelinë e tij?
1 Mars, 11:36

Drejtori i Përgjithshëm i Policisë më i përfolur në vend, njeriu që SPAK-u i ka marrë telefonin, njeriu që e ka kthyer Policinë e Shtetit në një kazermë duke goditur oficerë profesionistë, oficerë karriere, njerëz me integritet, thjesht dhe vetëm se nuk pranojnë të jenë pjesë e klaneve, skemave dhe intrigave të tij që vijnë përtej Policisë së Shtetit dhe politikës.

Ilir Proda ka bërë një "krim".

Jo vetëm në rastin konkret të oficerit të policisë gjyqësore Klidi Proko, që zbatoi ligjin duke i marrë telefonin Erion Veliajt, por me dhjetëra e mijëra oficerë të tjerë, "krime" të cilat i bën vazhdimisht në mënyrë ciklike, duke e kthyer Policinë e Shtetit në momentin më të vështirë të saj, sa duhet shkruar "Policia është katandisur ku thërret qameti" që nga dita kur Ilir Proda ka shkuar në drejtimin e saj.

Sot ai shkon dhe nderon një dëshmor të Policisë së Shtetit, nga ana tjetër merr një oficer të policisë gjyqësore dhe e bën "kurban" thjesht dhe vetëm se zbatoi ligjin./CNA