web counter
LEXO PA REKLAMA!

SHKARKO APP

App Store
Google Play

A ka telefon Veliaj në qelinë e tij?

1 Mars 2025, 11:32, Politikë CNA

A ka telefon Veliaj në qelinë e tij?

Shikoni komunikimin e kryebashkiakut, mënyra si bëhen postimet në rrjete sociale, reagimet e tij të herëpashershme, veprimet që vijnë nga jashtë nga avokatë, nga mbështetësit e tij, të gjitha thuajse të dirigjuara, duket sikur vijnë me komandë nga telefoni, nga urdhrat që jep kryebashkiaku.

Nuk po flasim këtu për telefonin që lejohet i kontrolluar në kabinë, por për mundësinë apo dyshimet se Erion Veliaj mund të ketë në qeli një telefon tjetër.

Dyshimet janë të arsyeshme totalisht, pushteti është i Erion Veliajt, Rilindja është në pushtet, Drejtoria e Burgjeve varet nga Ministria e Drejtësisë, piramida është e kontrolluar nga partia e tij, dihet gardianët e burgjeve, drejtorët e burgjeve dhe Erion Veliaj dyshohet se ka status të privilegjuar në Durrës.

Pikërisht dhe për këtë arsye është çuar atje, ndryshe do të çohej te "313" ku do të ishte më i izoluar dhe nuk do të kishte asnjë dyshim se mundet të ketë në qeli telefon apo të përdorë telefona të tjerë të burgosurve që i kanë ato.

Dyshime janë, bën vaki edhe s’janë të vërteta, por në fakt çdo veprim që bëhet dhe gjithçka lëviz, ngre dhe i forcon këto dyshime se Erion Veliaj mund të ketë telefon në qeli. /CNA





Lajmet e fundit nga