web counter
LEXO PA REKLAMA!

SHKARKO APP

App Store
Google Play

Fyerjet e Veliajt kundrejt aktivistes Kalaja/ Garo: Denojmë me forcë këtë gjuhë mizerjesh politike

28 Shkurt 2025, 16:40, Politikë CNA

Fyerjet e Veliajt kundrejt aktivistes Kalaja/ Garo: Denojmë me forcë

Në një dalje për mediat nga Selia Blu, Zëdhënësja e Partisë Demokratike, Floriana Garo ka dënuar gjuhën e përdorur nga Kryetari i Bashkisë Tiranë, Erion Veliaj ndaj aktivistes Adriana Kalaja.

Garo është shprehur se gjuha e përdorur në një televizion kombëtar nga një kryebashkiak kundrejt Kalasë është e papranueshme dhe se të dalësh në krah të saj është të mbrosh lirinë e fjalës.



“Gjuha e përdorur mbrëmë në një televizion kombëtar, në orën e pikut, nga Erion Veliaj, ish-kryetari i bashkisë Tiranë, kundër një gruaje, një nëne dhe një bashkëqytetareje, është e papranueshme.

Erion Veliaj, i kapur në korrupsion të hapur shtetëror, personal e familjar, ka humbur durimin dhe del rrjeteve sociale me sharjen në stilin e shefit të tij. Tani ka nisur ta imitoje ne gjuhe, pasi e imitoi në rrënimin e Tiranës, një qytet, që e kanë bërë për të fituar, dhe jo për të jetuar.

Gjuha vulgare, sikur t’ja kishte diktuar ndonjë prej të burgosurve rreth tij flet shumë për hipokrizinë e Veliajt dhe Ramës në raport me gratë.

Për punet e tyre të propagandës dhe fasadës, i ngarkojnë me punë dhe me lajka, dhe kur bien ngushtë u ngarkojnë në kurriz një mijë të zeza. Ky është stili i Rilindjes.

Kur ankohen thonë se po u bien në qafë grave e fëmijëve të tyre, dhe me pas nuk lënë grua, burrë e fëmijë pa marrë nëpër gojë.

Partia Demokratike e dënon me forcë këtë gjuhë mizerjesh politike, dhe u bën thirrje grave të Partisë Socialiste dhe të Tiranës të distancohen dhe të revoltohen prej saj.

Adriana Kalaja nuk ka bërë asnjë krim apo shkelje, për të hyrë në gojën e Erion Veliajt, veç ka qëndruar për Teatrin Kombëtar, ka denoncuar aferën "5D" dhe ka paditur korrupsionin në Bashki. Çdo sulm ndaj saj apo kujtdo tjetër, nuk është vetëm përgojim publik i një tiranasje, i një nëne, por edhe kundër lirisë së shprehjes dhe akivizmit politik.

Dalja në krah të saj, nuk është vetëm për një shqiptare, qytetare të Tiranës, nënë dhe kolege, por edhe për lirinë e fjalës, të cilën nuk mund të na e marrë; as ai që ka humbur lirinë pasi ka humbur nderin, dhe as kryeministri që tashmë po numëron orët e fundit”, tha Garo.

Veliaj në intervistën e dhënë për median ortake të inceneratorëve “Top Channel”, i pyetur në lidhje me zhvendosjen e dokumenteve nga Bashkia e Tiranës u përgjigj me një lumë fyerjesh si “hermafrodite” “gjysmë burrë e gjysmë grua” ndaj Kalasë./CNA





Lajmet e fundit nga