web counter
LEXO PA REKLAMA!

SHKARKO APP

App Store
Google Play

E fundit!

x

Primaret në PD/ Muçollari: Proces rienergjizimi, përgjegjësi e lartë për shoqërinë

28 Shkurt 2025, 20:07, Politikë CNA

Primaret në PD/ Muçollari: Proces rienergjizimi,

Anëtari i Kryesisë së PD-së, Grigels Muçollari, i ftuar në emisonin Syri Dixhital në SYRI TV, anëtari i Kryesisë së PD-së, Grigels Muçollari foli për Primaret që do të mbahen nesër më 1 mars. 

Muçollari i ka konsideruar Primaret si një proces rienergjizuaes për Partinë Demokratike dhe si ushtrim të rëndësishëm për demokratizimin e saj.

Grigels Muçollari krahasoi procesin e Primareve në PD me platformën "Deputeti që duam" të socialistëve duke thënë se PS-ja i zgjedh kandidatët për deputetë si kandidatë për një vend pune dhe se të rinjtë i duhen si make-up për të fshehur zullumet.

 

“Do ta konsideroja një proces energjizimi të PD-së. Një fluks i madh i kandidatëve zbresin në terren dhe përdorin të gjitha aftësitë e tyre për të komunikuar me elektoratin. Duke filluar nga zgjedhësit e PD. Përtej kësaj është edhe nje model dhe shembull për shoqërinë. Patjetër që primaret mund të kenë defektin e tyre në këtë moment, por le të jenë ato një ushtrim më shumë për demokratizmin e partisë. Një përgjegjësi shumë të lartë ka PD për shoqërinë, ka përgjegjësi për të krijuar diferencën dhe kontrastin mes partive më të mëdhaja në vend PD dhe PS.

Nga një krah shohim një parti që tenton të fus mekanizma, të cilat i japin frymë shoqërisë, i japin frymë mekanizmit të votës. Nga ana tjetër kemi nje parti e cila i zgjedh kandidatët sikur në një vend pune nëpërmjet 'deputetit që duam'. Kushtet në të cilët ndodhet të dyja partitë janë të ndryshme, njëra ka nevojë të përdor të gjithë 'make up'-in e mundëshëm që të fshehë të gjitha zullumet e ministrave dhe deputetëve, ndërsa PD ka nevojë për energjizim. Në këtë aspekt do ta konsideroja si një marrje përgjegjsie të demokratëve për të zgjedhur përfaqësuesit e tyre, që më pas të marrin përgjegjsi të madhe më 11 maj.” – tha Muçollari./ CNA





Lajmet e fundit nga