web counter
LEXO PA REKLAMA!

SHKARKO APP

App Store
Google Play

E fundit!

x

Sokol Sadushi dyshohet se falsifikoi edhe në KED, a duhet të veprojë Presidenti i Republikës?

10 Nëntor 2025, 10:02, Aktualitet CNA

Sokol Sadushi dyshohet se falsifikoi edhe në KED, a duhet të

Mandati i Asim Vokshit në Gjykatën Kushtetuese është ende në dorë të Presidentit të Republikës.

Deri tani ka 2 raste që pretendohen si falsifikime që kryetari i Gjykatës së Lartë, Sokol Sadushi, i ka bërë procesit dhe dokumentacionit të kandidatëve.

Falsifikimi i parë ka lidhje me procesverbalin e votimit për kandidaturat Llagami-Vokshi në Gjykatën e Lartë. Rregjistrimi audio i atij votimi përmban thënie dhe konstatime që në procesverbal janë hequr.

Së fundmi ka dalë një pretendim se Sokol Sadushi i ka fshehur KED-it dokumente të ndjeshme me të dhëna mbi kandidatin Vokshi. Ato të dhëna e skualifikonin Vokshin nga gara për Gjykatën Kushtetuese.

Dhe jo vetëm! E bënin atë ushtar të bindur të Sokol Sadushit në atë gjykatë, institucion kushtetues. Sepse Sadushi atë letër që i kompromentonte karrierën Vokshit, e ka futur në xhep.

Sokol Sadushi ndërhyri publikisht mbi vendimmarrjen ndaj ankimimit të Naureda Llagamit, në Gjykatën Administrative.

Llagami e prezantoi konfliktin në Gjykatën Kushtetuese dhe Presidenti i Republikës ka pezulluar procedurat e betimit të Vokshit deri në vendimin e Gjykatës Kushtetuese.

A duhet Presidenti i Republikës të kërkojë dhe verifikojë dosjen e plotë të kandidatit Vokshi?

Anëtarët e Gjykatës Kushtetuese insistonin në rastin "Veliaj" që presidenti të verifikonte jo vetëm jurisprudencën e Gjykatës Kushtetuese, por edhe fantazitë e tyre rast pas rasti sa herë presidenti duhet të nxirrte ndonjë dekret. Të imagjinonte që Marjana Semini, Ilir Toska dhe ushtarët e tjerë të Sadushit mund të kishin ndërruar mendje në raport me vendimmarrje të kaluara.

Tani presidenti ka në duar procedurën e betimit të Asim Vokshit.

A duhet të verifikojë praktikën njësoj siç e verifikoi kur shqyrtoi rastin "Veliaj"? Bile më mirë sesa aq!

Sepse Veliaj thjesht ishte pak në burg, kurse Sadushi është në krye të Gjykatës së Lartë./CNA





Lajmet e fundit nga