web counter
LEXO PA REKLAMA!

SHKARKO APP

App Store
Google Play

E fundit!

x

Të gjithë bashkëpunëtorët e Sadushit në falsifikim

9 Nëntor 2025, 19:10, Aktualitet CNA

Të gjithë bashkëpunëtorët e Sadushit në falsifikim

Ka një njoftim nga media që Sokol Sadushi është përfshirë në fshehjen e disa dokumentave gjatë procesit të përzgjedhjes së kandidaturave për një post në Gjykatën Kushtetuese.

Nuk do të donim të përfshimë në këtë analizë emrin e kandidatit, pasi emri nuk ka rëndësi për të analizuar shkeljen. Por nga shkresat e mbërritura në KED, gjatë verifikimit të kandidatëve, po thuhet se anëtarëve të tjerë të KED, disa letra u janë fshehur nga kryetari i KED, Sokol Sadushi.

Ajo që bie në sy është se anëtarë të KED gjatë shqyrtimit të kandidaturës janë edhe Marjana Semini dhe Ilir Toska. Të dy anëtarë të Gjykatës Kushtetuese. Të dy të përdorur nga Sadushi në skandalin e vendimit të lidhur me shkarkimin e Erion Veliajt nga Këshilli i Ministrave.

Të gjithë bashkëpunëtorët e Sadushit në falsifikim

Ilir Toska si magjistrat dhe anëtar i KLGj, dikur në KLGj, ka kryer edhe vetingun e kandidatit Vokshi, kur dosja e tij shqyrtohej nga KLGj.

A janë të përfshirë këta 2 anëtarë të Gjykatës Kushtetuese në falsifikimin e bërë nga Sadushi në KED, kjo mbetet për t'u parë.

Njëri Ilir Toska është magjistrat dhe duke qenë i përfshirë në vetingun e kandidatit Vokshi, kur dosja e tij përpunohej në KLGj, me siguri ka marrë dijeni për dokumentat që sot Sadushi dyshohet se i fshehu KED-së. Po Ilir Toska i fshehu të njëjtat dokumenta për të njëjtin kandidat, dikur kur ishte anëtar i KLGj?

Dyshimi për bashkëpunim, kësaj herë në falsifikim, mes Ilir Toska dhe Sokol Sadushi, e vendos Ilir Toskën në pozitë konflikti të pastër sipas dispozitave të Kodit Administrativ në rastin e shqyrtimit në Gjykatë Kushtetuese të konfliktit Vokshi-Llagami.

Ilir Toska ka marrë pjesë në përzgjedhjen, (tashmë të dyshuar si të falsifikuar) të kandidatit Vokshi, ndaj ai nuk mund të marrë pjesë në shqyrtimin e konfliktit të paraqitur për zgjidhje në Gjykatën Kushtetuese.

Gjithashtu Marjana Semini, anëtare e KED, sa kohë që pozicioni, roli dhe përgjegjësia e saj në falsifikimin e pretenduar, nuk është verifikuar ende, nuk mund të jetë pjesë e trupës që do shqyrtojë në Gjykatën Kushtetuese konfliktin Vokshi-Llagami.

Ndërsa Sadushi është denoncuar si falsifikator edhe i votimit të të njëjtave kandidatura në Gjykatën e Lartë. Tek insistimi i tij në falsifikim, SPAK e ka të lehtë të identifikojë qëllimin kriminal.

Sa për Marjana Seminim dhe Ilir Toskën, nëse nuk kanë marrë pjesë në këtë falsifikimin e radhës të Sadushit vlen shprehja: po fjete me qenin gdhihesh me pleshta./CNA





Lajmet e fundit nga