web counter
LEXO PA REKLAMA!

SHKARKO APP

App Store
Google Play

Si i nxori Sadushi "gështenjat" me duart e 5 shërbëtorëve të vet në Gjykatën Kushtetuese

9 Nëntor 2025, 15:28, Aktualitet CNA

Si i nxori Sadushi "gështenjat" me duart e 5

Në kronologjinë e akteve që ndërtuan kazusin e shkarkimit të Erion Veliajt nga detyra, ka vetëm një dispozitë. Dhe ajo është neni 62 i ligjit për qeverisjen vendore.

Me këtë referencë, ankimimi i Veliajt duhej të drejtohej në Gjykatën Administrative. Dhe këtu niste problemi i Sadushit, avokat i Veliajt!

Një ankimim në Gjykatën Administrative, shkon në Gjykatën e Lartë. Dhe në Gjykatën e Lartë çështjen e merrte në dorë Sokol Sadushi.

Këtë e dinte mirë sidomos Sokol Sadushi! Por ai nuk mund të jepte një vendim shfuqizimi të vendimit të Këshillit të Ministrave!

Lab lab, por deri në një farë vendi or ti!  Më mirë me duart e të tjerëve.

Për këtë orientoi klientin e vet, interesat e të cilit ndjek nga kupola e drejtësisë ku u ul vetë, që ankimimin ta niste tek Gjykata Kushtetuese.

Nuk është e vështirë të mashtrosh Veliajn për punë dispozitash ligjore. Duke parë sesi mbi klientin Veliaj të Sadushit, rëndojnë sot 13 akuza, nga të cilat 9 për korrupsion është kollaj të përfytyrosh se sa kupton Veliaj kur lexon ligje.

Vendimi i Gjykatës Kushtetuese tashmë është histori. Atë vendim sot dikush e quan vendim gjysmagjel, dikush në kundërshtim edhe me vetë juruspridencën e kaluar të Gjykatës Kushtetuese.

Ithtarët e Veliajt e lexojnë si vendim lirimi nga burgu për shembull. Kurse Sadushi e lexon thjesht si gështenja që i nxori nga zjarri me duart e 5 anëtarëve që ngaqë nuk i njeh njeri, presin korromanen prej tij./CNA





Lajmet e fundit nga