“Nëse ke besim, gjithçka mund të ndodhë”/ Mesazhi i Kryepiskopit Joan në të Dielën e VII të Llukait

9 Nëntor 2025, 11:46, Aktualitet CNA

“Nëse ke besim, gjithçka mund të ndodhë”/

Mesha e së Dielës në Katedralen “Ngjallja e Krishtit” u drejtua nga Kryepiskopi i Tiranës, Durrësit dhe gjithë Shqipërisë imzot Joani në praninë e shumë besimtarëve.

Nën një atmosferë të veçantë, festive dhe shpirtërore këtë të diel në Katedralen “Ngjallja e Krishtit” në Tiranë, u kremtua Liturgjia e së dielës nën drejtimin e Fortlumturisë së Tij, Kryepiskopit të Tiranës, Durrësit dhe gjithë Shqipërisë imzot Joanit i cili shoqërohej nga klerikë të Kryepiskopatës.

“Nëse ke besim, gjithçka mund të ndodhë”/

Ceremonia liturgjike mblodhi një numër të madh besimtarësh, duke dëshmuar gjallërinë dhe përkushtimin e komunitetit orthodhoks në jetën shpirtërore të Kishës sonë.

Në predikimin e tij, Kryepiskopi Joan ndaloi në leximin ungjillor të ditës, duke sjellë një reflektim të thellë mbi dy mrekullitë e Zotit Jisu Krisht: shërimin e gruas me rrjedhje gjaku dhe ngjalljen e bijës së Jairit.

Ai theksoi dimensionin e besimit të patundur, durimit dhe shpresës së krishterë që buron nga këto episode ungjillore, duke i ftuar besimtarët të forcojnë lidhjen e tyre personale me Zotin përmes lutjes, pjesëmarrjes në liturgji dhe dashurisë ndaj të afërmit.

“Nëse ke besim, gjithçka mund të ndodhë”/

“Besimi është forca që shëron shpirtin dhe ngjall jetën brenda nesh. Kur njeriu afrohet me besim te Krishti, çdo plagë shërohet, çdo errësirë ndriçohet", u shpreh ndër të tjera Kryepiskopi Joan në fjalën e tij baritore.

Në fund të Meshës Hyjnore u bë edhe njoftimi zyrtar se duke filluar nga data 15 nëntor, e deri në Krishtlindje, në kishën e “Ungjillëzimit” në Tiranë do të zhvillohen 40 ditë Liturgji Hyjnore të përditshme, si pjesë e përgatitjeve shpirtërore për festën e Lindjes së Krishtit.

“Nëse ke besim, gjithçka mund të ndodhë”/

Ky njoftim u mirëprit me përulësi dhe gëzim nga të pranishmit, si një mundësi për t’u përfshirë më thellë në jetën e përditshme kishtare gjatë periudhës së Kreshmëve të Krishtlindjes.

“Nëse ke besim, gjithçka mund të ndodhë”/
Si në çdo të diel, Kisha mirëpret prindërit, fëmijët dhe të rinjtë, duke i ftuar ata të marrin pjesë në aktivitetet shpirtërore që organizohen çdo të diel pas Liturgjisë Hyjnore nga Departamenti i Edukimit Orthodhoks i Kryepiskopatës së Hirshme.

“Nëse ke besim, gjithçka mund të ndodhë”/

Këto veprimtari synojnë forcimin e vlerave të besimit, bashkësisë dhe identitetit shpirtëror tek fëmijët, prindërit dhe tek brezat e rinj.

“Ungjilli i sotëm është një ungjill shprese, që tregon se mund të ketë shpresë edhe atje ku situata duket e pashpresë. Pasi Zoti bëri një shërim në Gadara, u afrua në anën e liqenit. Një grua me një plagë prej 12 vjetësh, por nuk kishte arritur rezultat, iu afrua se mos ndoshta shërohet. Në çast iu ndal gjaku. Zoti iu drejtua nxënësve dhe i pyeti se kush e preku. Gruaja i ra në gjunjë dhe i tregoi se çfarë kishte ndodhur. Zoti i tha të mos ketë frikë, por zemër. Nëse ke besim, gjithçka mund të ndodhë. Ky është ungjilli i sotëm. Në raste të pashpresa, sa shpresë mund të kemi ne? Prania e Zotit e bën të pamundurën të mundur”,-tha Kryepiskopi./CNA