web counter
LEXO PA REKLAMA!

SHKARKO APP

App Store
Google Play

E fundit!

x

Miratimi i ligjit "Për barazinë gjinore"/ Komisioni Europian: Hap thelbësor drejt anëtarësimit në BE

7 Nëntor 2025, 16:23, Aktualitet CNA

Miratimi i ligjit "Për barazinë gjinore"/ Komisioni

Komisioni Europian ka mirëpritur miratimin në Kuvend të ligjit “Për barazinë gjinore”. Në reagimin e tyre, KE shprehet se miratimi i këtij ligji nuk ka të bëjë me agjenda personale apo politike, por theksojnë se është një hap thelbësor drejt anëtarësimit në BE.

Gjithashtu më tej thuhet se ligji për barazinë gjinore vjen pas rekomandimit në Raportin Vjetor të Komisionit për Shqipërinë për vitin 2025, i cili i bënte thirrje Shqipërisë të sigurojë një nivel të lartë ambicieje dhe është në përputhje me standardet evropiane për këtë ligj.

KE e ka cilësur miratimin e ligjit si një shenjë përkushtimi nga ana e Shqipërisë për zbatimin e reformave kyçe në kuadër të anëtarësimit në BE.

"Përafrimi me acquis të BE-së është pjesë e procesit të anëtarësimit, të cilin të gjitha vendet kandidate duhet ta sigurojnë. Kjo nuk ka të bëjë me agjenda personale apo politike, por është një hap thelbësor drejt anëtarësimit në BE. Siç u theksua edhe nga Komisionerja Kos në postimin e saj në rrjetet sociale dje, “Barazia gjinore dhe mosdiskriminimi janë pjesë përbërëse e ligjit të BE-së”.

Këto janë vlera themelore të BE-së dhe të drejta themelore.  Ne mirëpresim miratimin e ligjit për Barazinë Gjinore nga Parlamenti Shqiptar mbrëmë. Kjo vjen pas rekomandimit në Raportin Vjetor të Komisionit për Shqipërinë për vitin 2025, i cili i bëri thirrje Shqipërisë të sigurojë një nivel të lartë ambicieje dhe është në përputhje me acquis të BE-së dhe standardet evropiane për këtë ligj. Kjo është një tjetër shenjë e përkushtimit të Shqipërisë për të zbatuar reformat kyçe në kuadër të anëtarësimit në BE", thuhet në reagimin e Komisionit Europian.

Parlamenti ka miratuar në seancën e djeshme nen për nen projektligjin “Për barazinë gjinore”. Projektligji, për të cilin u debatua prej disa orësh, është miratuar me 77 vota pro dhe 36 kundër. Deputetët e opozitës votuan kundër miratimit të projektligjit./CNA





Lajmet e fundit nga