E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

KLSH: Pasuritë e trashëgimisë kulturore të listuara në UNESCO vuajnë nga mungesa e fondeve, rrezikojnë statusin

6 Nëntor 2025, 22:16, Aktualitet CNA

KLSH: Pasuritë e trashëgimisë kulturore të listuara në

Kreu i KLSH-së Arben Shehu në raportin për vitin 2024 në fushën e kulturës evidenton se pasuritë e trashëgimisë kulturore të listuara në UNESCO, në qytete si Berati dhe Gjirokastra, vuajnë nga mungesa e planeve menaxhuese dhe fondeve, duke rrezikuar gjendjen e tyre fizike dhe statusin ndërkombëtar.

“Në fushën e kulturës, pasuritë e trashëgimisë kulturore të listuara në UNESCO, në qytete si Berati dhe Gjirokastra, vuajnë nga mungesa e planeve menaxhuese dhe fondeve, duke rrezikuar gjendjen e tyre fizike dhe statusin ndërkombëtar”.

Sa i përket sektorit të Arsimit, Shehu është shprehur se menaxhimi i fondit të ekselencës ka treguar mbivendosje kompetencash ndërmjet institucioneve përgjegjëse, duke sjellë mungesë koordinimi dhe transparence në administrimin e tij.

“Në sektorin e arsimit dhe të kulturës, menaxhimi i fondit të ekselencës ka treguar mbivendosje kompetencash ndërmjet institucioneve përgjegjëse, duke sjellë mungesë koordinimi dhe transparence në administrimin e tij. Orientimi i të rinjve në karrierë brenda sistemit arsimor parauniversitar nuk është i qëndrueshëm dhe i strukturuar, duke reduktuar efektivitetin e këtij procesi”

Më tej, Shehu thotë se, menaxhimi i hapësirave publike gjithashtu ka mangësi. Plazhet publike nuk përmbushin standardet e sigurisë dhe të aksesit.

“Menaxhimi i hapësirave publike gjithashtu ka mangësi. Plazhet publike nuk përmbushin standardet e sigurisë dhe të aksesit. Për më tepër, zgjerimi i sipërfaqeve të kontraktuara nuk është shoqëruar me rritje të të ardhurave ose me investime të qëndrueshme, duke kufizuar përfitimet e qytetarëve”

Auditimet e teknologjisë së informacionit sipas kreut të KLSH-së, evidentuan mungesa të dukshme në politika, procedura dhe kontrolle në menaxhimin e sistemeve publike, duke përfshirë adresimin e aksesit, dokumentacionin për privilegjet dhe rolet kritike, si dhe kapacitete të pamjaftueshme njerëzore.

Në vitin 2024, përgjatë këtij viti pra, institucioni ka depozituar 13 kallëzime penale, të cilat përfshijnë rastet kur auditimi ka konstatuar veprime apo mosveprime me shkelje të ligjit penal./ CNA