web counter
LEXO PA REKLAMA!

SHKARKO APP

App Store
Google Play

“Ka shkruar për një Europë të Bashkuar”/ Niko Peleshi: Në Korçë po vendoset monumenti i Llazar Fundos

6 Nëntor 2025, 20:12, Aktualitet CNA

Kryetari i Kuvendit, Niko Peleshi ka replikuar me deputetin Erald Kapri në lidhje me nderimin për figurën e njohur të intelektualit të shquar, Llazar Fundo.

Peleshi tha se në nder të tij, po vendoset monumenti i Llazar Fundos në Korçë. Kryeparlamentari theksoi se Llazar Fundo është njeriu që shkroi për një Europë të Bashkuar dhe ka ende nëngrupe paralamentare që janë frymëzuar nga Altiero Spinelli që është bashkëautor apo bashkëkohës i tij.

“Unë se kam zakon të bëj komente mbi komentet tuaja por vetëm për informacion meqë përmendët figurën e Llazar Fundos, i cili është nga qyteti ku vij unë. E keni përmendur disa herë shumë mire, më vjen mirë që e studioni figurën e tij.

Është me të vërtetë një figurë e pavlerësuar sa duhet por nuk dua të bëj avokatinë e së majtës këtu nuk më takon. Unë vetë nuk kam parë ndonjë kompleks në të gjithë punën time edhe personale për ta vlerësuar figurën e Llazar Fundos nga ana e së majtës.

Nën kujdesin e këtij krahu në Korçë është duke u vendosur monumenti i Llazar Fundos. I bashkohem interesit tuaj për këtë figurë.

Është e jashtëzakonshme të evokohet sidomos në kohën që po punojmë për integrimin në BE.

Është një nga njerëzit që ka shkruar për një Europë të Bashkuar ka ende nëngrupe paralamentare që janë frymëzuar nga Altiero Spinelli  që është bashkëautor apo bashkëkohës i tij”, tha Peleshi./ CNA





Lajmet e fundit nga