web counter
LEXO PA REKLAMA!

SHKARKO APP

App Store
Google Play

“Plumbi i artë” në GJKKO/ Dëshmia e mjekut të Nuredin Dumanit: Kishte fashë në kurriz, më ndoqën me makinë deri në shtëpi

6 Nëntor 2025, 16:09, Aktualitet CNA

“Plumbi i artë” në GJKKO/ Dëshmia e mjekut të

Këtë të enjte u zhvillua seanca e radhës në Gjykatën e Posaçme për dosjen “Plumbi i Artë”. Një ndër dëshmitarët e seancës ishte edhe mjeku J.M., që kishte kryer një vizitë ndaj Nuredin Dumanit.

Siç dëshmon mjeku, fillimisht ai mori një telefonatë për një vizitë në shtëpi, ku iu kërkua të mos tregojë asgjë nga ato që do të shikonte brenda atij ambienti.

Mjeku tregoi se në shtëpi pa një burrë me flokë kaçurrela me fashë në kurriz, të cilit i tha se duhet të operohej.

Sipas mjekut, pasi ishte larguar nga ambienti ku ndodhej Dumani, kishte vënë re se një automjet e kishte ndjekur deri në momentin kur kishte mbërritur në shtëpi.

“Dikush më mori në telefon në orën 09:30 dhe më kërkoi për një vizitë në shtëpi. Atje më priti dikush që kishte probleme me të ecurën, çalonte, dhe më çoi në disa rrugica që nuk po i kuptoja. U futëm në një garazh e pastaj në një apartament, ku i kanë kërkuar që të mos tregojë asgjë nga ato që do të shohin aty.

Kur shkuam në apartament, ishte një person me fashë në kurriz. Ishte një kaçurrels, i cili kishte plagë me armë zjarri dhe u bëra të ditur se kishte nevojë të operohej. Plumbi kishte hyrë, por nuk kishte dalë nga trupi. Atje ishte edhe një vajzë, si edhe Bërdalla, një person që kishte një laborator. As një minutë nuk zgjati qëndrimi im aty.

Kur shkova në spital pashë një mjet që më vinte nga pas. Edhe në shtëpi shkova me frikë. Nuk fola me personin që ishte i plagosur”,-dëshmoi mjeku./CNA

 





Lajmet e fundit nga