web counter
LEXO PA REKLAMA!

SHKARKO APP

App Store
Google Play

Erion Veliaj e paditi/ Aulon Kalaja: Nuk bëj asnjë hap pas, do të ndahet njëherë e mirë se kush është shpifës

6 Nëntor 2025, 17:08, Aktualitet CNA

Erion Veliaj e paditi/ Aulon Kalaja: Nuk bëj asnjë hap pas, do të

Aulon Kalaja ka bërë me dije se është paraqitur në Gjykatën e Tiranës, Dhoma Penale për tu përballur me padinë për shpifje të bërë nga Erion Veliaj.

Kalaja deklaroi se seanca është shtyrë pasi Veliaj nuk ka qenë i pranishëm se ndodhet në burg.

Seanca është shtyrë për në datën 12 nëntor ora 12:00 dhe gjyqtarja ka vendosur se Veliaj duhet të vijë nga burgu dhe të dalë para gjykatës.

Sipas gjyqtares në rast se Veliaj nuk do të paraqitet çështja do të pushohet.

Kalaja ka theksuar se nuk do të bëjë asnjë hap pas deri në përballjen me Veliajn për të kuptuar se kush është shpifësi.

“Të nderuar miq, sipas fletë-thirrjes, u paraqita në Gjykatën e Tiranës, Dhoma Penale, për t’u përballur me padinë për shpifje që, Kryetari i Bashkisë Tiranë, Erion Veliaj, ka bërë ndaj meje.

I pregatitur me fakte dhe prova dhe duke mos u tërhequr nga asnjë deklaratë publike e imja, prita Kryetarin e Bashkisë Tiranë Erion Veliaj, në gjykatë, por ai nuk erdhi.

Gjyqtarja e çështjes e shtyu senacën me datë 12 nëntor, ora 12:00, duke vendosur se Veliaj duhet të vijë nga burgu dhe të dalë para gjykatës.

Kësisoj të mos shmanget nga padia që e ngritur po vetë dhe është ndjerë i fyer dhe i lënsuar. Në rast se nuk vjen cilësoi gjyqtarja, çështja do të pushohet, sipas ligjit.

Ndërkohë unë pres përballje dhe nuk do të bëj asnjë hap pas. Do të ndahet një herë e mirë se kush është shpifës dhe përse hapen të tilla çështje ndaj meje në gjykatë.

Sinqerisht Aulon”, shkruan Aulon Kalaja./ CNA





Lajmet e fundit nga