web counter
LEXO PA REKLAMA!

SHKARKO APP

App Store
Google Play

E fundit!

x

KLSH “nxin” Shëndetësinë: Përkujdesja ndaj pacientëve rezulton e pamjaftueshme

6 Nëntor 2025, 22:08, Aktualitet CNA

KLSH “nxin” Shëndetësinë: Përkujdesja ndaj

Kreu i KLSH-së Arben Shehu në raportin e institucionit për vitin 2024 ka bërë me dije se, në sektorin e shëndetësisë auditimet evidentuan mangësi në administrimin e pajisjeve dhe personelit shëndetësor mjekësor, duke krijuar varësi nga shërbimet e jashtme dhe rritje të kostove.

Ai theksoi se, shpërndarja e tyre nuk është në përputhje me nevojat reale të popullsisë, ndërsa përkujdesja ndaj pacientëve rezulton e pamjaftueshme kjo për shkak të mungesës së një trajtimi gjithëpërfshirës, të kapaciteteve të kufizuara menaxheriale dhe profesionale.

“Në sektorin e shëndetësisë, auditimet evidentuan mangësi në administrimin e pajisjeve dhe personelit shëndetësor mjekësor, duke krijuar varësi nga shërbimet e jashtme dhe rritje të kostove. Gjithashtu, shpërndarja e tyre nuk është në përputhje me nevojat reale të popullsisë, ndërsa përkujdesja ndaj pacientëve rezulton e pamjaftueshme. Kjo për shkak të mungesës së një trajtimi gjithëpërfshirës, të kapaciteteve të kufizuara menaxheriale dhe profesionale”, deklaroi Shehu.

Më tej në raport theksohet se në fushën e mjedisit, menaxhimi i mbetjeve urbane dhe spitalore paraqet problematika të ndjeshme, ku mungesa e infrastrukturës së duhur dhe praktikave të sigurta rrezikon shëndetin publik dhe ndikon negativisht në mjedis.

“Në fushën e mjedisit, menaxhimi i mbetjeve urbane dhe spitalore paraqet problematika të ndjeshme, ku mungesa e infrastrukturës së duhur dhe praktikave të sigurta rrezikon shëndetin publik dhe ndikon negativisht në mjedis.

Ndryshimet klimatike mbeten një sfidë e madhe, kur përpjekjet institucionale janë të kufizuara për shkak të mungesës së fondeve, planeve konkrete dhe kapaciteteve për zbatim”, tha Shehu./ CNA





Lajmet e fundit nga