web counter
LEXO PA REKLAMA!

SHKARKO APP

App Store
Google Play

E fundit!

x

Miratimi i projektligjit për barazinë gjinore/ Harxhi: Akt i rëndë ndaj familjes

7 Nëntor 2025, 10:36, Aktualitet CNA

Miratimi i projektligjit për barazinë gjinore/ Harxhi: Akt i

Parlamenti miratoi dje në një seancë maratonë, nen për nen projektligjin “Për barazinë gjinore”. Projektligji, për të cilin është debatuar prej disa orësh, është miratuar me 77 vota pro dhe 36 kundër. Deputetët e opozitës kanë votuar kundër miratimit të projektligjit.

Edith Harxhi ka reaguar në lidhje me miratimin e projektligjit duke thënë se përbën aktin më të rëndë dhe antipatriotik ndaj familjes dhe traditës kulturore dhe familjare e zakonore shqiptare.

Sipas Harxhit, ky ligj përshpejton shpopullimin edhe më të madh të vendit. Harxhi thotë se nëse diktatori komunist hoqi me kushtetutë besimin në Zot, diktatori rilindas, referuar Ramës, na la pa familje dhe të papërcaktuar biologjikisht.

“Kalimi i ligjit gjoja për barazi gjinore, përbën aktin më të rëndë dhe antipatriotik ndaj familjes dhe traditës kulturore dhe familjare e zakonore shqiptare. Ky ligj përshpejton shpopullimin edhe më të madh të vendit dhe i jep dërmën asaj çfar ne e kishim të shenjtë, traditës shekullore familjare. Nëse Diktatori komunist na hoqi me kushtetutë besimin në Zot, Diktatori rilindas na la pa familje dhe të papërcaktuar biologjikisht. Madje do të ndëshkojë edhe klerin në misionin e tij të Zotit nëse del kundër parimeve globaliste të majtiste. Ky është neo-komunizmi!

Sanksionet e këtij ligji janë jo vetëm antikushtetuese por edhe kundër ndërgjegjes. Bashkësia ndërfetare shqiptare e kultivuar në shekuj me bashkëjetesën e feve në Shqipëri ishte një zëri kundër diversifikimit gjinor përtej përcaktimit të dy gjinive.

Ky ligj vjen në një ditë kur Gjykata Supreme e Amerikës njeh të drejtën që në pasaportat amerikane të njihen vetëm dy gjini femër dhe mashkull.

Ky ligj vjen në një kohë kur Parlamenti Europian nuk ka mundur ende të përcjellë një direktivë për cështjen e familjes në të cilën të njihen deviacione biologjike përvec atyre të përcaktuar nga Zoti vetë.

Edi Rama si duket ka bërë shërbimin e fundit ndaj të majtës liberale dhe axhendës antifamilje, duke plotësuar kështu kërkesën dhe dëshirën e patronit të tij Soros që drejton këtë axhendë globale. Ky i fundit mendon se mund të vazhdojë të përdorë Shqipërinë ende si laborator eksperimental dhe ti dalë ndesh Konservatorëve Amerikanë dhe Europianë, Presidentit Trump dhe te drejtës zakonore në një vend në Europë.

Pra, axhenda globaliste anti-familje tashmë zhvillohet larg Amerikës në një vend të varfër europian, Kryeministri i të cilit është përfaqësues i kësaj axhende në Ballkan dhe Europë. Sfidë e hapur nga Trump. Po a ka këllqe Rama dhe shpurra e tij narkomane të sfidojë Amerikën dhe Trump? Besoj të gjithë e dimë përgjigjen.

Ndërhyrja e djeshme e Komisioneres Europiane dhe Ambasadorit të BE-së e ndonjë Ambasadori tjetër në Tiranë, tregojnë qartë që edhe Komisioni Europian dhe elita e saj burokratike dhe anti-familje, janë asgjë veç se zbatues të axhendës globaliste dhe të majtë për të shpërbërë familjen, traditën dhe të drejtën zakonore të popujve sovran në europë.

Për këtë arsye mendoj se duhet ta padisim këtë ligj antishqiptar në Gjykatën Kushtetuese dhe pse jo të kërkojmë referendum mbarëpopullor.

KM i Shqipërisë mendoj se është krejtësisht i vetëdijshëm që nuk ka Aleks, Komisioner dhe as një lider europian i djathtë apo i majtë me të cilët ai bën cirk e humor për marketing ndërkombëtar, që do ta shpëtojë atë nga zullumet e pafundme.

Koha e tij ka mbaruar dhe pritet vetëm të shohim shumë shpejt aktin final të zhagitjes së tij ashtu si disa diktatorë që u futën në vrimën e miut. Tashmë jemi drejt fundit të makthit neo-komunist dhe narkoshtetit në zemër të Europës. Vetëm prisni zhvillmet….”, shkruan Edith Harxhi./ CNA





Lajmet e fundit nga