web counter
LEXO PA REKLAMA!

SHKARKO APP

App Store
Google Play

Show i qeverisë me tritol/ Dinamiti nuk i përgjigjet, merr fadromat për të shkatërruar vilat e ligjshme në Sauk

9 Nëntor 2025, 15:50, Aktualitet CNA

Show i qeverisë me tritol/ Dinamiti nuk i përgjigjet, merr fadromat

Terrori shtetëror me vilat e ligjshme në Sauk është dëshmi e mënyrës sesi qeveriset Shqipëria.

CNA denoncoi aksionin banditesk në zonën e Saukut në Tiranë, ku Inspektorati Kombëtar i Mbrojtjes së Territorit, në shkelje të hapur të lejes së ndërtimit, hodhi në erë tri vila.

Kompania që po ndërton në Sauk prej muajsh kishte përcjellë kërkesën në Bashkinë Tiranë, për një ndryshim për shkak të fizionomisë arkitektonike, përgjigje kjo e vonuar nga autoritetet bashkiake, duke i shkaktuar biznesit dëme të mëdha.

Dokumentet zyrtare, të publikuara nga CNA tregojnë se objektet ishin ndërtuar në përputhje me ligjin dhe kishin marrë leje ndërtimi të miratuar nga autoritetet kompetente.  

Sipas të dhënave, ndërtimi i kompleksit rezidencial është kryer në bazë të lejes së ndërtimit me numër R-1539/4, për projektin “Kompleks rezidencial me objekte banimi 1, 2 dhe 3 kate si dhe me 1 dhe 2 kate nëntokë, me pishina, basen ujor, mur rrethues dhe kabinë elektrike”.

Referuar dokumentacionit, sipërfaqja totale e ndërtimit, të miratuar ishte 13,666.6 m² mbi tokë dhe 10,314.9 m² nën tokë.

Pas kësaj lejeje, subjekti zhvillues, kompania “Austrian Construction Albania” sh.p.k., në bashkëpunim me “Lani” sh.p.k. si subjekt ndërtues, ka aplikuar në vitin 2023 në Bashkinë e Tiranës për ndryshim të projektit ekzistues, pa ndryshuar parametrat themelorë të lejes, si numrin e kateve apo sipërfaqet ndërtimore. Ndryshimet kishin të bënin vetëm me fizionominë arkitektonike dhe funksionalitetin e brendshëm të objekteve.

Show i qeverisë me tritol/ Dinamiti nuk i përgjigjet, merr fadromat

Në relacionin shpjegues të lejes thuhet se projekti synonte zhvillimin e një kompleksi modern banimi me standarde të larta ndërtimi dhe infrastrukturë bashkëkohore.

Megjithatë, pavarësisht kërkesës për miratimin e ndryshimeve nga Bashkia e Tiranës, institucioni nuk ka dhënë përgjigje, duke shkaktuar vonesa dhe kosto shtesë për biznesin.

Nga verifikimet në terren rezulton se sipërfaqja aktuale e ndërtuar është madje më e vogël se ajo e miratuar: 13,094 m² mbi tokë dhe 9,199.1 m² nën tokë, duke përjashtuar mundësinë e ndonjë ndërtimi shtesë jashtë lejes. Rreshti i vilave që duket i shtuar në pamje, në fakt nuk përbën shtesë ndërtimi, pasi hapësirat ndërmjet godinave janë më të mëdha. Kështu edhe pse duket sikur janë tri vila më shumë, sipërfaqja e përgjithshme rezulton më e vogël se ajo e miratuar.

Show i qeverisë me tritol/ Dinamiti nuk i përgjigjet, merr fadromat

Pavarësisht fakteve të mësipërme, IKMT ndërhyri me forca të shumta policie dhe procedurë të menjëhershme, duke shembur objektet në një akt arbitrar dhe duke ngjallur terror ndaj pronës private.

Me frymë terrori mbi biznesin, IKMT vuri tritolin, por kur dinamiti nuk iu përgjigj, me taksat e shqiptarëve, prenotoi fadromat për të shkatërruar djersën dhe mundin e ndërtuesit dhe atyre që ëndërronin të banonin në këto vila.

 

Kjo dhunë e pashembullt mbi pronën private është dëshmia e mënyrës sesi qeveriset në Shqipëri, të kësaj Shqipërie që pretendojnë ta bëjnë shtet europian dhe natën i vënë tritolin, për të shembur jetët dhe pronën e qytetarëve./ CNA





Lajmet e fundit nga