Shteti si bandë/ IKMT shemb vilat me leje të rregullt ndërtimi në Tiranë

8 Nëntor 2025, 12:22, Denoncim CNA

Inspektorati Kombëtar i Mbrojtjes së Territorit ka shembur me shpërthim të kontrolluar tri vila në zonën e Saukut të Tiranës, duke pretenduar se bëhej fjalë për ndërtime pa leje. Por dokumentet zyrtare tregojnë se objektet ishin ndërtuar në përputhje me ligjin dhe kishin marrë leje ndërtimi të miratuar nga autoritetet kompetente.

Shteti si bandë/ IKMT shemb vilat me leje të rregullt ndërtimi

Leja e miratuar

Sipas të dhënave, ndërtimi i kompleksit rezidencial është kryer në bazë të lejes së ndërtimit me numër R-1539/4, për projektin “Kompleks rezidencial me objekte banimi 1, 2 dhe 3 kate me 1 dhe 2 kate nëntokë, me pishina, basen ujor, mur rrethues dhe kabinë elektrike”.

Referuar dokumentacionit, sipërfaqja totale e ndërtimit të miratuar ishte 13,666.6 m² mbi tokë dhe 10,314.9 m² nën tokë.

Pas kësaj lejeje, subjekti zhvillues, kompania “Austrian Construction Albania” sh.p.k., në bashkëpunim me “Lani” sh.p.k. si subjekt ndërtues, ka aplikuar në vitin 2023 në Bashkinë e Tiranës për ndryshim të projektit ekzistues, pa ndryshuar parametrat themelorë të lejes, si numrin e kateve apo sipërfaqet ndërtimore. Ndryshimet kishin të bënin vetëm me fizionominë arkitektonike dhe funksionalitetin e brendshëm të objekteve.

Shteti si bandë/ IKMT shemb vilat me leje të rregullt ndërtimi

Në relacionin shpjegues të lejes thuhet se projekti synonte zhvillimin e një kompleksi modern banimi me standarde të larta ndërtimi dhe infrastrukturë bashkëkohore.

Relacioni shpjegues

Megjithatë, pavarësisht kërkesës për miratimin e ndryshimeve nga Bashkia e Tiranës, institucioni nuk ka dhënë përgjigje, duke shkaktuar vonesa dhe kosto shtesë për biznesin.

Nga verifikimet në terren rezulton se sipërfaqja aktuale e ndërtuar është madje më e vogël se ajo e miratuar: 13,094 m² mbi tokë dhe 9,199.1 m² nën tokë, duke përjashtuar mundësinë e ndonjë ndërtimi shtesë jashtë lejes. Rreshti i vilave që duket i shtuar në pamje, në fakt nuk përbën shtesë ndërtimi, pasi hapësirat ndërmjet godinave janë më të mëdha. Kështu edhe pse duket sikur janë tri vila më shumë, sipërfaqja e përgjithshme rezulton më e vogël se ajo e miratuar.

Sipërfaqet

Pavarësisht këtyre fakteve, IKMT ndërhyri me forca të shumta policie dhe procedurë të menjëhershme, duke shembur objektet në një akt arbitrar dhe duke ngjallur terror ndaj pronës private./CNA