web counter
LEXO PA REKLAMA!

SHKARKO APP

App Store
Google Play

QKB favorizon kompaninë private/ Platforma “falas” që prish konkurrencën në treg

3 Nëntor 2025, 16:28, Denoncim CNA

Një marrëveshje e nënshkruar mes Qendrës Kombëtare të Biznesit (QKB) dhe Institutit të Ekspertëve Fiskalë (IEF) ka ngritur shqetësime për shpërndarjen e një platforme falas për përdorim nga bizneset në fushën e fiskalizimit dhe kontabilitetit.

Edhe pse prezantohet si ndihmë për bizneset, kjo nismë mund të prishë konkurrencën e lirë në tregun e shërbimeve për fiskalizim, duke krijuar një avantazh ekonomik për një platformë specifike me mbështetje institucionale.

Ofrimi falas i një zgjidhjeje teknologjike nga një institucion publik në bashkëpunim me një organizatë profesionale jofitimprurëse mund të krijojë problematika në treg.

QKB favorizon kompaninë private/ Platforma “falas” që

Operatorët privatë të certifikuar që ofrojnë zgjidhje me pagesë mund të humbasin klientë, jo për shkak të performancës apo inovacionit, por për shkak të mbështetjes që i bëhet kësaj platforme nga QKB-ja.

QKB favorizon kompaninë private/ Platforma “falas” që

Disa biznese kanë denoncuar në CNA se gjatë një komunikimi me IEF dhe SmartFin, këto të fundit kanë theksuar se aplikacioni ofrohet falas deri në janar 2026 dhe nuk është e qartë nëse pas kësaj date do të aplikohet tarifë.

Po ashtu theksohet se SmartFin është një kompani private si të tjerat që ofrojnë të njëjtin shërbim dhe nuk është nën varësi të QKB, por thjesht ka një memorandum bashkëpunimi me institucionin publik.

CNA do të publikojë në vijim bisedat e plota të ardhura në redaksinë tonë, mes bizneseve dhe IEF e SmartFin.

QKB favorizon kompaninë private/ Platforma “falas” që

Ligji nr. 9121/2003 “Për Mbrojtjen e Konkurrencës” parashikon se çdo ndërhyrje e institucioneve publike që favorizon një subjekt mbi të tjerët mund të përbëjë ndihmë shtetërore të padrejtë. Promovimi i platformës SmartFin nga QKB mund të interpretohet si favorizim institucional, pa u bazuar në kritere teknike ose tregu të barabarta.

QKB favorizon kompaninë private/ Platforma “falas” që

Nisur nga ky fakt, CNA po ashtu ka kërkuar zyrtarisht informacion nga QKB për marrëveshjen me IEF,  mbi çfarë baze ligjore është nënshkruar dhe nëse mund të cënojë tregun e lirë. Kërkesa jonë për informacion është bërë të premten e 31 tetorit dhe deri në publikimin e këtij denoncimi nuk kemi marrë ende një përgjigje nga institucioni.

QKB favorizon kompaninë private/ Platforma “falas” që

Memorandumi mes QKB dhe IEF, edhe pse synon të ndihmojë bizneset, ngre dyshime për prishjen e konkurrencës së lirë në tregun e fiskalizimit.

Pa transparencë, pa kritere të barabarta dhe pa konsultim me operatorët e tregut, ekziston rreziku që një platformë e mbështetur nga QKB të favorizohet në mënyrë të padrejtë përkundrejt operatorëve privatë të licensuar që ofrojnë të njëjtat shërbime./ CNA





Lajmet e fundit nga