web counter
LEXO PA REKLAMA!

SHKARKO APP

App Store
Google Play

“Do ju varros!”/ Një vit pa parë vajzën, gruaja kërcënon partnerin dhe gazetaren

7 Tetor 2025, 21:36, Denoncim CNA

“Do ju varros!”/ Një vit pa parë vajzën, gruaja

Emisioni “Stop” në Tv Klan ndodhet në qytetin e Vlorës, pasi Rudin Sulejmani një baba i ri, po lufton prej më shumë se një viti për të parë vajzën e tij 15 muajshe, të cilën nuk e ka takuar që kur ka qenë 3 muajshe.

Pas ndarjes me ish-bashkëjetuesen, Xhesika Leka, ai ka fituar me vendim gjykate të drejtën për takime me fëmijën. Por nëna e vajzës nuk ka lejuar zbatimin e vendimit. Përmbaruesi gjyqësor, Fitim Koçia, ka tentuar disa herë të ekzekutojë vendimin, por pa sukses.

Pala tjetër nuk jep një adresë të saktë dhe shmanget në mënyrë të vazhdueshme. I dëshpëruar nga situata, Rudin Sulejmani iu drejtua emisionit investigativ “Stop”. Por edhe përpjekjet e ekipit të xhirimit janë përballur me agresivitet dhe kërcënime serioze.

Xhesika Leka është shprehur me tone të ashpra dhe ka lëshuar kërcënime të rënda. Më pas, ekipi i “Stop”-it është përballur me një incident fizik.

“Mos më dërdëllit mua afatin, se zotëria ta donte fëmijën, nuk ikte nga shtëpia ta linte, dhe më kujtohet mua pas 1 viti, o zonjë! E kam rritur vetëm unë fëmijën tim. Zonjë, nga zotëria… S’më interesojnë faturat mua të zotërisë, moj. Ai mund të bëjë tani, çfarë të dojë moj zonjë. Para një viti, se e ka lënë një thelë mish, donte të hante. Nuk do fëmija të hajë tani, që ka vajtur 1 vjeçe, ti hedhi ai b***q**i lekët njerëzve, të kujtojë fëmijën tani, o zonjë e nderuar, e kam rritur me gjak një thelë mishi unë. Dhe të shikojë zotëria, s’ka bir nëne, në rregull? Dhe bëj gafë të nxjerrësh diçka në televizor, po ta them kështu, bë gafë ta nxjerrësh njerëzit e mi, do t’ju varros të gjithëve! Rudinin të parin, fëmijët e mi të dytët, dhe ti do të jesh e treta.”

Nëna e Xhesikës, Lavdie Leka, ka zbritur poshtë banesës, ka ofenduar rëndë ish-dhëndrin dhe ka goditur operatorin e emisionit. Ajo është larguar menjëherë nga vendi i ngjarjes dhe ka thirrur policinë, duke tentuar të paraqitet si palë e dëmtuar./ Tvklan





Lajmet e fundit nga