E fundit!

12:57 Kronika

Pamje nga vendngjarja/ Ja ku ndodhi vrasja e efektivit në Maliq

Disa pamje të siguruara nga CNA tregojnë zonën ku ndodhi n...

Audioregjistrimi i dytë “bombë”/ Si gënjeu Evi Kokalari Angelakis për lobimet dhe financimet

8 Shtator 2025, 20:29, Denoncim CNA

CNA publikoi një audioregjistrim ku zonja Evi Kokalari Angelakis flet me gazetarin William Bredderman të “The Daily Beast”, intervistë, e cila është bërë gjatë kohës së një shkrimi në vitin 2023.

Ky audioregjistrim përmbante delirim dhe fshehje të së vërtetës nga ana e Evi Kokalari Angelakis.

Bredderman e ka telefonuar për ta pyetur zonjën Kokalari se me çfarë parash vinte në Tiranë dhe kush e financonte, pyetje të cilat ende sot nuk kanë marrë përgjigje.

Audioregjistrimi i Kokalarit: Unë jam më e famshmja në Shqipëri
4 Shtator, 11:41

Në pjesën e parë të audioregjistrimit dëgjuat dhe kuptuat delirin e këtij individi, që kalon çdo lloj pritshmërie ku thotë se është më e famshme në Shqipëri dhe se ka mbështetje më shumë se Rama dhe Berisha.

Një deklaratë kjo, siç e theksuam, delirante, nga një person si Evi Kokalari Angelakis, që e konsideron veten si shumë të famshme në Shqipëri, ndërkohë që është e kundërta.

Por përtej kësaj, sot do të sjellim audioregjistrimin e dytë të Evi Kokalari Angelakis, e cila thotë gënjeshtra njëra pas tjetrës.

View this post on Instagram

A post shared by CNA.al (@cna.lajme)

Ajo thotë se nuk ka marrë dhe nuk ka lobuar, por kjo është një gënjeshtër e madhe, pasi ne kemi publikuar me fakte ku Evi Kokalari Angelakis ka pranuar lobimet.

Rastet do të mund t’i lexoni në linqet e mëposhtme.

Tri rastet e lobimit të Evi Kokalarit
14 Qershor, 10:30

Ekskluzive/ Evi Angelakis-Kokalari shpenzoi dhjetëra mijëra dollarë për lobim në Tiranë
15 Korrik, 13:29

Lobimet e Kokalarit/ Faktet që e kapin MAT
11 Qershor, 10:54

Kush e paguan Evi Kokalarin për të nxitur përçarje dhe konflikte në PD?
22 Gusht, 16:23

Mijëra dollarë për lobim për një “non grata”/ A i ka deklaruar Kokalari në Departamentin e Drejtësisë?
16 Korrik, 15:03

Sa u përket shpenzimeve dhe udhëtimeve të saj, CNA i është drejtuar me pyetje publike, të cilat edhe sot pasi kanë kaluar disa vite ende nuk kanë marrë përgjigje.

Evi Kokalari, 12 pyetje publike që duan përgjigje për aktivitetin e saj
8 Qershor, 16:55

Në këtë audioregjistrim nuk mungojnë as akuzat ndaj CNA-së nga Evi Kokalari Angelakis, e cila gënjen kur thotë se është sulmuar pasi nuk mbështeste zotin Këlliçi.

CNA nuk ka sulmuar, por ka investiguar për të zbuluar të vërtetën dhe i ka qëndruar deri në fund misionit të saj, kauzës me të cilën nisi investigimin, duke kërkuar përgjigje për lobimet dhe shpenzimet e udhëtimeve dhe qëndrimeve të Evi Kokalari Angelakis në Shqipëri.

Cili është burimi i financimit për dhjetëra mijëra dollarë fluturime dhe qëndrime në Tiranë? Cili është burimi i të ardhurave të tyre?

A e financuan njerëzit e Sali Berishës, pra të "non grata"-s, Evi Kokalarin?

Kjo është pyetja që Evi s’i ka dhënë përgjigje. Këtë informacion ka dashur të nxjerrë dhe gazetari amerikan William Bredderman, për të zbuluar kush e ka paguar Evi Kokalarin. Ku i ka gjetur paratë?

Ashtu siç e kemi paralajmëruar edhe më parë, CNA nuk do të ndalet, do të vazhdojmë të publikojmë çdo lloj materiali investigativ që do të sigurojmë duke përfshirë edhe audioregjistrimin e dytë.

Ndiqni audioregjistrimin e dytë të publikuar nga CNA...