E fundit!

12:57 Aktualitet

“F*ck you”/ PDE "shuplakë" Ramës: Sheshi duhet dëgjuar, jo fyer

Partia Demokratike Europiane ka reaguar pas intervistës së...

RRUMPALLA URBANE NË “DON BOSKO” KOMPROMETON AKSIONIN E SHPALLUR NGA EDI RAMA

1 Shtator 2025, 10:55, Denoncim CNA

Në hyrje, kazanë plehrash që kutërbojnë duke qelbur dynjanë, trotuare e hapësira publike të zaptuara nga ndërtimet pa dhe me leje abuzive të zyrtarëve të epokës së Erion Veliajt.

Parkingje, tregje me pamje të mjerueshme të ngritura duke zaptuar trotuare, ish-lulishte e hapësira publike…

Kjo është pamja e shëmtuar e të shumënjohurës rruga “Don Bosko”, e etiketuar nga kryebashkiaku Erion Veliaj, prej më shumë se 6 muajsh i burgosur për korrupsion galopant, si një nga qendrat e kryeqytetit.

RRUMPALLA URBANE NË “DON BOSKO” KOMPROMETON AKSIONIN E SHPALLUR

Sot, nën babëzinë korruptive të ushtrisë zyrtare të zdromsit, produkti i republikës së rinisë laliste, rruga “Don Bosko” i ngjan një rrumpalle urbane, të pakrahasueshme as me periferitë e Kabulit afgan.

E përfshirë në një investigim të hapur, CNA po sjell sot katrahurën urbane të rrugës “Don Bosko”, pa bërë shumë komente, pasi fotot flasin vetë.

Kjo katrahurë urbane, me zaptim trotuaresh, hapësirash publike e parkingje, me ndërtime pa dhe me leje abuzive, kundrejt dorovitjes së zyrtarëve bashkiakë të Erion Veliajt, duhet të marrë fund.

Sepse po ndodh që edhe aksioni kryeministror për çlirimin e hapësirave publike nga zaptuesit po komprometohet. Pikërisht nga zyrtarët e “Lali fikut”, të cilët, çuditërisht, ende qëndrojnë në funksione.

RRUMPALLA URBANE NË “DON BOSKO” KOMPROMETON AKSIONIN E SHPALLUR

Sipas burimeve të CNA, mësohet se ditë më parë, nëpërmjet një aksioni, “ushtarët” e republikës rinore të Bashkisë së Tiranës iu sulën rrugës “Don Bosko”, bënë sikur goditën paligjshmërinë urbane, duke mos ndrequr asgjë.

Situata e katrahurës urbane vijon të jetë në gjendjen që tregojnë fotot e bëra nga CNA, jo më larg se dy ditë më parë.

Gjendja e pandryshuar edhe pas aksionit “çlirues” nga zaptimi i hapësirave publike është fakti më i pastër i talljes zyrtare me detyrën.

Është fakt që komprometon hapur aksionin e shpallur bujshëm nga Kryeministri, duke u dhënë të drejtë skeptikëve që artikulojnë se aksioni “Rama” për rikthimin te qytetarët të hapësirave të zaptuara s’është veçse një shteg i ri për rimbushjen e xhepave të zyrtarucëve.

Të atyre zyrtarucëve, që, ndonëse janë autorë të kësaj katrahure urbane, vijonë të gëzojnë trofetë e viteve të arta të komandantit Veliaj./ CNA