E fundit!

19:42 Aktualitet

Drogë në burgun e Veliajt

Këtë të enjte, në një nga qelitë e burgut të Durrësit, ësh...

Dokumenti/ Pse nuk u dënua për plagosjen e kryer, kandidati i zgjedhur i PS-së

8 Gusht 2025, 10:26, Denoncim CNA

Kandidati i zgjedhur deputet i Partisë Socialiste nga zgjedhjet e 11 majit, Agron Malaj, ka dy dosje në SPAK për të cilat po hetohet intensivisht.

Deputeti i zgjedhur i Ramës, me dy dosje në SPAK/ Drejt burgut apo drejt Parlamentit?!
5 Gusht, 14:27

Megjithatë, ish-kryebashkiaku i Matit dhe ish-gardisti i 21 janarit, ka kryer dhe disa vepra të tjera penale.

CNA ka publikuar më herët dokumente se në vitin 1999, Agron Malaj së bashku me E. D. janë arrestuar për plagosje të lehtë me dashje dhe armëmbajtje pa leje. Nga këto vepra penale, ish-gardisti është dënuar vetëm për një prej tyre, atë të armëmbajtjes pa leje.

Kandidati i zgjedhur, i dënuar për armë pa leje/ CNA zbardh vendimin e Gjykatës së Matit
6 Gusht, 12:28

Pse nuk u dënua për plagosje, Agron Malaj?

Në vitin 1999 Agron Malaj dhe B.B. kishin debatuar për shkak të dëmtimit të një motoçiklete nga ana e ish-kryebashkiakut të Matit, në atë kohë 19 vjeç dhe shokut të tij, E. D. Referuar dokumenteve, Malaj dhe E. D. e kishin dëmshpërblyer B. B. për motoçikletën.

Në datën 29 mars të vitit 1999, këta tre persona janë takuar në një lokal dhe pasi kanë debatuar, ngjarja ka përfunduar në përdorimin e armës. Agron Malaj ka qëlluar në drejtim të B. B. me armë zjarri dhe si pasojë ky i fundit ka mbetur i plagosur së bashku me A. Gj., i cili ka qenë dëshmitar në vendngjarje.

DOKUMENTI/ Si u krye plagosja nga kandidati i zgjedhur i PS-së dhe dinamika e gjyqit
7 Gusht, 18:03

Në vendimin e gjykatës thuhet se E. D., i cili shoqëronte Agron Malajn, ka qëlluar në ajër me armë zjarri pa leje, që të mos kishte ndërveprim nga persona të tjerë. Të dy më pas janë larguar nga vendngjarja.

Megjithatë, Agron Malaj dhe shoku i tij, janë dënuar nga Gjykata e Matit vetëm për veprën penale të “Armëmbajtjes pa leje” dhe çështja për plagosje të lehtë me dashje është pushuar nga organi i akuzës. Shkak për pushimin e çështjes është bërë tërheqja e ankimimit nga personat e plagosur, B.B. dhe A. Gj.

Dokumenti/ Pse nuk u dënua për plagosjen e kryer, kandidati i zgjedhur

Vendimi i Gjykatës së Matit

Kështu trupi gjykues i Gjykatës së Matit, i kryesuar nga Artan Çupi dhe me anëtarë Murat Lleshi dhe Ali Koleci kanë vendosur dënimin me 10 muaj burg për kandidatin e zgjedhur të Partisë Socialiste, Agron Malaj për veprën penale “Armëmbajtje pa leje”. Vuajtja e dënimit për Agron Malajn ka filluar nga momenti i dhënies së vendimit.

Për të njëjtën vepër penale, Gjykata e Matit ka dënuar dhe shokun e Malajt, E. D. me 4 muaj burg.

Por kandidati i zgjedhur i Partisë Socialiste dyshohet se është përfshirë edhe në disa vepra penale së bashku me vëllanë e tij Fatos Malaj dhe Elvin Tivarin.

Dyshohet se drejtorët e Bashkisë së Tiranës dhe vetë Agron Malaj nëpërmjet kompanisë “Global Security” dhe bizneseve të tjera, shkëmbenin tenderë me njëri-tjetrin, sa në Bashkinë e Tiranës, sa në atë të Matit.