Vëllai i Veliajt porositi apartament 800 mijë euro në zemër të bllokut/ Paratë do të paguheshin me 3 këste

27 Korrik 2025, 10:36, Denoncim Ora News

Vëllai i Veliajt porositi apartament 800 mijë euro në zemër

Nga hetimet e SPAK janë zbuluar skemat se si Erion Veliaj u jepte tenderë biznesmenëve. Përveç Veliajt dhe bashkëshortes së tij Ajola Xoxa, përfitues të skemave abuzive me paratë publike janë edhe familjarë të tyre.

Ora News ka zbuluar një tjetër detaj që rrjedh nga dosja penale në ngarkim të Veliajt, Ajola Xoxës dhe bashkëpunëtorëve të tyre.

Arbër Veliaj, vëllai i Erion Veliajt kishte porositur një objekt në godinën "Bookbuilding" pranë Sahatit të Tiranës, të ndërtuar nga kompania TDT & Partners.

“Kontrata për këtë objekt është lidhur para një viti, por Arbëri nuk ka kryer ende asnjë pagesë” thotë Gledi Abdi pronar i fimrës.

SPAK ka këqyrur të gjitha kontrat e porosisë në lidhje me objeketet e ndërtura nga shoqëria Invest Society Shpk, e më konkretisht objekti "Rainbow" me Leje Zhvillimore "Godine Polifunksionale Europiane Blloku" dhe objekti "Godine Polifunksionale West Residence", shkruan Ora News.

Nga këqyrja e materialit të administruar, rezulton se në lidhje me objektin "Rainboë", Arbër Veliaj nëpërmjet kompanive të tij ka porositur njësi dhe garazhe.

Për ndërtimin e këtij objekti leja është dhënë nga kryetari i bashkisë Tiranë, Erjon Veliaj.

Sipas letrave nga shoqëria Gogël Shpk eshtë porositur Njësia/Zyra me sipërfaqe ndërtimore 451.9 m2, kati i 3-të i objektit .

Sipërfaqja neto e objektit të porositur është 379.75 m2, ndërsa siperfaqja e përbashkët eshte 72.15 m2.

Çmimi i blerjes është përcaktuar 1,800 euro/m2, në shumën totale prej 813,420 euro, e cila duhet të paguhet me tre keste.

-Kësti i parë në shumën 300,000 euro, do të paguhet menjäherë me lidhjen e kesaj kontrate

- Kësti i dytë në shumën 300,000 euro, do t? paguhet brenda 45 ditëve nga nënshkrimi i kësaj kontrate

- Kësti i tretë në shumën 213,420 euro, do të paguhet brenda 90 ditëve nga nënshkrimi i kësaj kontrate

Në vijim, është lidhur Kontrata e sipërmarrjes për prenotim Garazh/Bodrum, ndërmjet shoqërive Invest Society Shpk dhe TDT&Partners me palën porositëse shoqërinë Gogël Shpk përfaqësuar nga adm Arbër Veliaj.

Çmimi i blerjes është përcaktuar 20,000 euro, i cili duhet të likuidohet brenda dy muajsh në llogarinë bankare të shoqërise Invest Society.

Me datë 03.10.2023, shoqëria Gogel Shpk përfaqësuar nga Arbër Veliaj i ka shitur të drejtat reale shoqërise Gogel Holdings Shpk perfaqësuar nga Ana Xhoxhaj, bashkëshortja e Arbër Veliaj, shkruan Ora News.

Kjo kontratë është nënshkruar edhe nga dhënësi i pëlqimit, shoqëritë Invest Society Shpk dhe TDT&Partners Shpk.

Sipas objektit të kësaj kontrate, është kaluar nga pala shitëse te pala blerëse detyrimet e papaguara deri në momentin e lidhjes së kontratës, janë në shumën 133,420 euro.

Çmimi për kalimin e të drejtave reale është në shumën totale 833,420 euro nga të cilat:

133,420 euro duhet te kalojnë në llogarinë e shoqërise Invest Society Shpk, si detyrim i pashlyer.

Diferenca prej 700,000 euro do të paguhet shoqërisë Gogel Shpk, nepërmjet fitimeve të pashpërndara te shoqërisë Gogel Holding, në formën e dividentëve në momentin e miratimit të vendimit të Asamblesë së Ortakëve për shpërndarjen e tyre./ CNA