E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Si i vjedhin deputetët paratë që shqiptarët u paguajnë për shërbimet telefonike?

11 Korrik 2025, 09:34, Denoncim CNA

Si i vjedhin deputetët paratë që shqiptarët u paguajnë

Foto ilustruese

CNA publikoi të dhëna që tregonin se shqiptarët për një deputet të Kuvendit të Shqipërisë paguajnë nga 4-5.5 milionë lekë për shërbimet telefonike, për dietat, për karburantet, për komisionet etj.

Një nga detajet që në fakt na tërhoqi vëmendjen dhe vendosëm t’i shkonim më tej ishte fakti që shqiptarët paguajnë për shërbimet telefonike të një deputeti 170 mijë lekë të vjetër.

Sa paguajnë shqiptarët për një deputet?
10 Korrik, 14:22

Lind pyetja, pse dhe për çfarë duhet të paguajnë 170 mijë lekë për telefonin?

Nga të dhënat dhe burimet e marra nga CNA në kompanitë celulare, disa prej tyre nuk i kapin kuotat as 50 mijë lekë të vjetër.

Pra, nëse do të merrnin paketat që ofrojnë kompanitë telefonike, që shkojnë maksimumi rreth 60 mijë lekë të vjetër, nga e cila do të përfitonin internet, roaming, megjithëse tashmë në Ballkanin Perëndimor kur lëvizin është bërë “free” dhe me paketën maksimale që u ofrohen bizneseve 40 GB internet që shumë nga deputetët nuk e përdorin, megjithëse mund të shikojnë dhe filma vizatimorë, por dhe të tjerë që lëvizin jashtë nuk mund të shpenzojnë më shumë se 20 GB internet apo të kenë roming 24 orë etj., kostot e të cilave janë maksimumi nga 50-60 mijë lekë të vjetër.

Kjo pjesë diference për shumicën e deputetëve, sipas të dhënave zyrtare të siguruara nga CNA, vidhet sepse faturat e tyre telefonike nuk e kapin kanë vlerën 170 mijë lekë.

Janë shumë herë më pak, kjo për shkak të çmimeve që janë ulur dhe tarifave që kanë kompanitë.

Paketa nga kompanite telefonike

Në Kuvend paguhen nga taksat e qytetarëve 140 deputetë për shërbimet telefonike me një vlerë 170 mijë lekë të vjetër për secilin prej tyre.

Në një përllogaritje të thjeshtë, shqiptarët në një muaj paguajnë 24 milionë lekë shërbimet telefonike të deputetëve të Kuvendit të Shqipërisë.

Ndërkohë, në vit paguajnë rreth 300 milionë lekë. Pra, rreth 300 mijë euro në vit paguajnë shqiptarët për telefonat e deputetëve.

Ndërkohë që më shumë se gjysma e kësaj vlere vidhet. Një vjedhje ashiqare dhe e pastër sepse tarifat dhe ofertat që kanë kompanitë telefonike, që, siç e përmendëm më lart, me 5-6 mijë lekë të rinj e kishin zgjidhur hallin.

Në rast se do të ulej kjo tarifë dhe pagesat për deputetë të bëheshin diku te 6 mijë lekë, do të shkonte nga 24 milionë në 8.4 milionë lekë, dhe në total shpenzimi vjetor do të ishte rreth 100 mijë euro.

Pra, do të kurseheshin gati 200 mijë euro në vit. Janë 1 milion euro afërsisht në katër vite që kursehen vetëm nga ndalja e vjedhjes që bëjnë deputetë me shumën e lekëve, të cilën e marrin për shkak të detyrës së tyre si deputetë për pagesat e telefonave.

Sot, me paketa 5 apo 6 mijë lekë të rinj, gjithçka zgjidhet. Ndërkohë që deputetët tanë marrin 170 mijë lekë për telefonin.

Ka dhe shumë gjëra të tjera që mund të diskutohen, por kjo është më thelbësorja.

Pa folur pastaj për këto mbledhjet e famshme të komisioneve që firmosen fiktivisht ku shkojnë dhe ku nuk shkojnë apo dietat që marrin etj., të cilat bëjnë që deputetët tanë të kenë rrogat më të majme në Europë./ CNA