web counter
LEXO PA REKLAMA!

SHKARKO APP

App Store
Google Play

Dokumenti/ Blendi Gonxhja mori rreth 73 milionë lekë nga kompania e inceneratorit

22 Qershor 2025, 11:39, Denoncim CNA

Dokumenti/ Blendi Gonxhja mori rreth 73 milionë lekë nga kompania e

CNA ka sjellë një tjetër fakt për prokurorin e SPAK-ut, Dritan Prençi, (LEXO KËTU), që nxjerr në pah një skemë që lidh inceneratorin e Tiranës (që nuk ekziston) me Blendi Gonxhen, njeriun më të votuar në Qarkun e Tiranës, votat e të cilit “mbajnë” erë, pasi janë hedhur ndaj tij akuza për lidhje me grupet kriminale.

Dokumenti që po publikojmë sot ka të bëjë me atë se si lidhet kompania e inceneratorit të Tiranës (që nuk ekziston) me Blendi Gonxhen.

Fakti është ky.

Kompania “Albarent” e Blendi Gonxhes i ka dhënë me qira makina kompanisë së inceneratorit të Tiranës.

Dokumenti/ Blendi Gonxhja mori rreth 73 milionë lekë nga kompania e
Dokumenti që tregon pronësinë e kompanisë "Albarent"

 

Kompania e inceneratorit të Tiranës (që nuk ekziston) , për një periudhë që nis nga janari deri në korrik të vitit 2021 i ka paguar Blendi Gonxhes një shumë rreth 73 milionë lekësh.

Integratetd Energy shkon te kompania e Blendi Gonxhes, merr disa makina me qira dhe lekët i paguajnë Mirel Mërtiri me Klodian Zoton.

Dokumenti/ Blendi Gonxhja mori rreth 73 milionë lekë nga kompania e
Pagesat nga kompania e inceneratorëve për kompaninë "Albarent"

Janë marrë dhjetëra makina me qira nga Mirel Mërtiri dhe Klozian Zoto tek kompania e gruas të Blendi Gonxhes dhe këto mjete janë dhënë në zgjedhjet e 2021-shit për fushatë të PS-së dhe në përdorim të Bashkisë së Tiranës.

CNA e ka nxjerrë me fakte se si Mirel Mërtiri dhe Klodian Zoto i jepnin Bashkisë së Tiranës mjete në përdorim pa marrë asgjë pas.

Këto mjete, që në shërbim të Policisë Bashkiake dhe strukturave të tjera të Bashkisë së Tiranës, shkonin dhe ndiqnin nga pas bizneset dhe mbikëqyrnin rrugët për të ruajtur kamionët e dherave atje ku kishte kantier ndërtimi, për t’i çuar në landfill.

Pra, kompania e inceneratorit të Tiranës, “Integrated Energy”, merrte mjetet te Blendi Gonxhja duke paguar lekët, ia jepte bashkisë pa asnjë kosto dhe bashkia vinte vërdallë në Tiranë, kapte bizneset që të çonin dherat. Shumë mjete përdoreshin edhe për fushatën elektorale të Rilindjes. 


Të ardhurat nga ky biznes për Mirel Mërtirin dhe Klodian Zoton shkuan, në të paktën në ato vite që janë bilancet e deklaruara në QKB, rreth 60 milionë euro.

Janë 60 milionë euro të marra nga kompania e landfillit të Tiranës në bashkëpunim me bashkinë, me mjetet që ishin marrë me qira te Blendi Gonxhja.

Kemi një skemë të qartë, e cila është një fakt që Dritan Prençi, prokurori i SPAK-ut, duket se nuk e shikon ose nuk do ta shikojë për arsye të tjera, të cilat i renditëm në një shkrim tjetër të publikuar në CNA.

Tentakulat e inceneratorëve janë aq të gjata saqë shkojnë deri te politikanë dhe dokumentet e faktet e publikuara nga CNA janë një tjetër fakt në tavolinën e Dritan Prençit, të cilën prokurori nuk do ta shohë./ CNA





Lajmet e fundit nga