web counter
LEXO PA REKLAMA!

SHKARKO APP

App Store
Google Play

Deputeti “ngre alarmin”/ Si po digjen mbetjet buzë lumit Vjosa

14 Qershor 2025, 10:06, Denoncim CNA

Deputeti “ngre alarmin”/ Si po digjen mbetjet buzë lumit Vjosa

Deputeti i PD-së, Tritan Shehu, ka ngritur alarmin se si po digjen mbetjet në Këlcyrë buzë lumit Vjosa.

Shehu ka hedhur akuza ndaj ministres Mirela Kumbari duke thënë se jep leje për grumbullimin e mbetjeve në vende dhe në kushte të jashtëligjshme.

Po ashtu thekson se pjesë e këtij krimi është bërë edhe Bashkia e Këlcyrës dhe Përmetit.

“Mbrëmë në flakë mbeturinat e Lubi Kumbaros në Varibop të Këlcyrës, buzë Vjosës!

Mbasi dogji ato të Piskovës në Përmet tashti po djegin dhe në Këlcyrë.

E njëjta 'dorë' kriminale!

E njëjta 'strategji' kriminale e korruptive.

Të njëjtat leje grumbullimi në vende e kushte të jashtëligjshme nga Lubia.

Nga deputetja-minister ambjenti!

Kjo buzë Vjosës, ajo e Piskovës buzë Përroit që derdhet në Vjosë.

Që në kohë me shirash të mbushin lumin e UNESKO-s.

Në thatësirë i djeg e njëjta dorë, për të fshehur krimin apo përvetësuar fondet e përpunimit.

Duke toksikuar mijëra banorë, bagëti, lumin, natyrën vetë.

Dhe e njëjta heshtje nga prokuroria, policia…

Diktati i Lubisë i mbyll gojën dhe atyre.

Ndërsa Bashkitë e Këlcyrës e Përmetit janë pjesë e këtij krimi e korrupsioni vrastar për njerëzit, ambientin, gjënë e gjallë, natyrën e Vjosën”, shkruan Tritan Shehu./ CNA





Lajmet e fundit nga