web counter
LEXO PA REKLAMA!

SHKARKO APP

App Store
Google Play

E fundit!

x

Krimi mjedisor me bekimin e shtetit/ Si po "kafshohet" Prespa nga "rojet" e natyrës!

18 Korrik 2025, 15:36, Denoncim CNA

Krimi mjedisor me bekimin e shtetit/ Si po "kafshohet" Prespa nga

Ky nuk është ndonjë skeç komik. Është realiteti tronditës që ndodh sot në zemër të Parkut Kombëtar të Prespës.

Në një vend normal, një roje mjedisore është një figurë simbolike – një njeri që ruan, mbron, patrullon natyrën nga çdo cenim. Në Shqipëri, ky titull është kthyer në licencë për abuzim, ndërtim të paligjshëm dhe zhvatje të hapur të pasurive natyrore.

Ky është rasti i Dragan Mitre, punonjës i AdZM Korçë, që ka ndërtuar një objekt pa asnjë leje në zonën e mbrojtur “Venjat e Bezmishtit”, vetëm pak metra larg Manastirit të Shën Mërisë, në Parkun Kombëtar të Prespës.

Krimi mjedisor me bekimin e shtetit/ Si po "kafshohet" Prespa nga
Harta marrë nga AKPT

Por më keq se ndërtimi është që ky krim ka mbështetje politike dhe institucionale nga vetë krerët lokalë të pushtetit.

KUSH JANË BASHKËFAJTORËT?

- Edvis Koki, drejtori i AdZM Korçë – që në vend të shkatërrojë ndërtimet e paligjshme, ndihmon ndërtuesit me uniformë.

- Olsi Duma, shefi i monitorimit – që ndoshta monitoron çfarë ka në tavolinë, jo çfarë ndërtohet në park.

- Pali Kolevski, kryetari i Bashkisë Pustec – që duket sikur ka lëshuar gjithë territorin e mbrojtur për klientelë politike dhe dreka private.

Krimi mjedisor me bekimin e shtetit/ Si po "kafshohet" Prespa nga
Olsi Duma, në të majtë të fotos

ÇFARË NDODH NË OBJEKT?

Ky “bunker ekologjik” është shndërruar në qendër tavolinash të shfrenuara, ku konsumohet mish i gjahut të paligjshëm, alkool dhe zhvillohen aktivitete private që nuk kanë lidhje as me turizmin, as me edukimin mjedisor – por vetëm me korrupsionin dhe arrogancën e pushtetit lokal.

Krimi mjedisor me bekimin e shtetit/ Si po "kafshohet" Prespa nga
Bunkeri i paligjshëm, në pronësi të Dragan Mitre

Ky nuk është më abuzim. Kjo është grabitje me përkrahje shtetërore.

Krimi mjedisor me bekimin e shtetit/ Si po "kafshohet" Prespa nga
Harta e vendit ku është ndërtuar objekti i paligjshëm

Ndërkohë që qytetarëve u kërkohet të ruajnë natyrën, të mos gjuajnë, të mos dëmtojnë ekosistemin, vetë “rojet” ndërtojnë, gjuajnë dhe shtrijnë tavolina në mes të zonës së ndaluar.

Krimi mjedisor me bekimin e shtetit/ Si po "kafshohet" Prespa nga
Bunkeri i paligjshëm në hartën e marrë nga AKPT

 

Prespa po "kafshohet" nga njerëz që kanë detyrën ta mbrojnë.

KËRKOJMË:

- Shembje urgjente të ndërtimit të paligjshëm

- Ndalim të menjëhershëm të çdo veprimtarie të paligjshme në zonë

- Pezullim dhe ndjekje penale për të gjithë zyrtarët e përfshirë

- Hetim të plotë për gjah të paligjshëm në zonën e mbrojtur

Zonat e mbrojtura nuk janë për gjueti. As për ndërtim. As për dolli.

Janë pasuri kombëtare, jo pronë private e Rilindjes lokale./ CNA





Lajmet e fundit nga