E fundit!

11:43 Aktualitet

Vrau me thikë fqinjin/ Gjykata e Durrësit cakton masën e sigurisë për 25-vjeçarin

Gjykata e Durrësit ka caktuar masën e sigurisë “arrest në ...

Agron Malaj, me njërën dorë te “21 Janari” dhe tjetrën te “5D” kërkon të bëhet deputet

11 Mars 2025, 16:51, Politikë CNA

Agron Malaj, me njërën dorë te “21 Janari” dhe

Sot Agron Malaj kryebashkiaku i Matit ka dhënë dorëheqjen pasi do të kandidojë për deputet nën siglën e PS për zgjedhjet e 11 Majit.

Po kush është Agron Malaj?

Le të kthehemi pas në kohë.

Agron Malaj si komandanti që hapi zjarr ndaj protestuesve në 21 Janar.

Agron Malaj ka qenë komandant seksioni i Njësisë Speciale të Gardës së Republikës në protestën e 21 Janarit. Ai ishte një ndër 10 oficerët e shkarkuar nga ish-ministri i Brendshëm, Saimir Tahiri, ku sapo ky i fundit mori detyrën.

10 oficerët ishin pjesëtarë të “grupit të zjarrit”, të cilët qëlluan mbi protestuesit në tubimin ku mbetën katër qytetarë të vrarë.

Jo vetëm kaq. Sipas Lapsi.al, Agron Malaj është shpërblyer në atë kohë me 4 rroga mujore nga drejtuesi. Madje shpërblimi i tij ishte nga më bujarët në listë.

Agron Malaj dhe 5D

Agron Malaj në fakt lidhet dhe me 5D

Vëllai i Agron Malajt, Fatos Malaj ka fituar tenderin e kamerave në Bashkinë e Tiranës, shumat e të cilave janë qindra milionë lekë.

CNA ka denoncuar abuzimet e bëra nga drejtorët e Bashkisë Tiranë tek vëllai i Agron Malajt por edhe sesi ky i fundit ka firmosur tenderë për drejtorët e 5D.

Erion Veliaj, dosja "5D" dhe 21 Janari
6 Prill, 12:12

Më tej, edhe drejtuesi i PD-së për Tiranën dhe ish-deputeti, Belind Këlliçi, bëri një denoncim ku deklaroi se Elvin Tivari ndërtoi një hotel me vlerë 1.5 milionë euro me kompaninë “La Brisa”, ku është bashkaksioner me Fatos Malajn, vëllain e kryetarit socialist të Bashkisë Mat, Agron Malaj.

Në gusht të vitit 2023, pas vjedhjes së zgjedhjeve lokale të 14 majit, subjekti "ABG Ndërtim" me pronar vartësin e Redi Mollës, fiton një tender në vlerë 3.1 milionë euro, për të ndërtuar dhe riparuar ujësjellësit në disa fshatra të zonës së Burrelit.

Sigurisht ky nuk ishte një tender rastësor, pasi vendimmarrjen direkte në këtë procedurë e ka vetë kryetari i Bashkisë Mat, Agron Malaj, vëllai i ortakut të Redi Mollës dhe Elvin Tivarit, denoncoi në atë kohë opozita.

Ky është Agron Malaj kryebashkiaku i Matit i cili jep dorëheqjen si kryebashkiak dhe kërkon të kandidojë për deputet nën logon e PS për zgjedhjet e 11 Majit, me njërën dorë në ngjarjen e 21 Janarit dhe tjetrën tek dosja 5D./ CNA