web counter
LEXO PA REKLAMA!

SHKARKO APP

App Store
Google Play

Drogë në burgun e Veliajt

25 Qershor 2026, 19:42, Aktualitet CNA

Këtë të enjte, në një nga qelitë e burgut të Durrësit, është gjetur lëndë narkotike e llojit kokainë.

Bazuar në njoftimin zyrtar, punonjësi i policisë në këtë IEVP, shtetasi A.P. është arrestuar në flagrancë, pasi është kapur duke i dhënë kokainë një të burgosuri, shtetasit me iniciale A.M.

Ndaj këtij punonjësi është kryer arrestim për veprat penale “Futja ose mbajtja e sendeve të ndaluara në Institucionin e Ekzekutimit të Vendimeve me Burgim” dhe “Prodhimi dhe shitja e narkotikëve”, të parashikuara nga nenet 324/a dhe 283 të Kodit Penal.

Në këtë burg qëndron prej më shumë se 15 muajsh edhe kryebashkiaku i arrestuar i Tiranës, Erion Veliaj.

Drogë në burgun e Veliajt
Erion Veliaj në ditën e arrestimit, 10 shkurt 2025

Kur futet lëndë narkotike për të burgosur të zakonshëm, pyetja që lind është: Çfarë futet në këto ambiente për të burgosurit “VIP”?

Pa përmendur më tej edhe mundësinë sesi mund të shfrytëzohen këto hapësira nga të burgosurit e njohur të këtij institucioni, që ndodhet atje nën pranga dhe janë në pritje të gjykimit dhe dënimit.

Së pari, futet droga dhe së dyti, mund t’u rrezikohet jeta. Këto, përtej diskutimit se çfarë mund të përfitojnë të burgosur të tillë.

Bëhet fjalë për personazhe “VIP” që mund t’u rrezikohet jeta, që nuk i përkasin botës së krimit, por janë njerëz të politikës dhe të votuar, ndërsa presin vendimin ndaj tyre duke qëndruar në këtë IEVP, ku tolerimet arrijnë deri në këtë pikë./CNA





Lajmet e fundit nga