web counter
LEXO PA REKLAMA!

SHKARKO APP

App Store
Google Play

E fundit!

x

CNA paralajmëron një audioregjistrim “bombë” për Evi Kokalarin

3 Shtator 2025, 14:27, Denoncim CNA
CNA paralajmëron një audioregjistrim “bombë” për
Evi Kokalari

Evi Kokalari është një personazh jo i panjohur për publikun.

U shfaq në Shqipëri në vitin 2021, pasi SHBA-ja shpalli “non grata” Sali Berishën dhe ky i fundit filloi lëvizjen “Foltorja”, pasi Basha e përjashtoi nga PD-ja.

Kokalari u pa shpesh në prani të Berishës në udhëtime duke qëndruar për kohë të gjatë në Tiranë e duke udhëtuar me avionë.

CNA ka bërë disa shkrime ku e ka pyetur publikisht zonjën Kokalari se cili është burimi i këtyre të ardhurave.

Pra, cili është aktiviteti i biznesit të saj kaq të fuqishëm sa e bëri zonjën Kokalari që për muaj e muaj të tërë të udhëtonte në avion nga SHBA-ja në Tiranë apo të qëndronte në hotele me 5 yje me shpenzimet e kujt, të saj apo të të tretëve?

Megjithëse CNA ka mbledhur informacion në atë kohë dhe bëri disa shkrime, ne nuk morëm kurrë përgjigje.

Por duke ditur zonjën Kokalari, e cila është një person që ndoshta dhe deliron pak, ne kemi mundur të sigurojmë një audioregjistrim të një interviste që një gazetar amerikan ka bërë me zonjën Evi Kokalari Angelakis.

Audioregjistrimi është bërë nga vetë zonja Kokalari gjatë intervistës që ka pasur me gazetarin, pra e ka regjistruar intervistën vetë. Në audio duket zëri i zonjës Kokalari që është i fortë, kurse gazetari e ka zërin më të butë. Ne do ta sjellim intervistën me pasazhe dhe të plotë për të njohur edhe më mirë Evi Kokalarin. Intervista i përket vitit 2023 me gazetarin William Bredderman, të cilit CNA i është drejtuar dhe zyrtarisht për t’i marrë një intervistë në lidhje me qëndrimet e Kokalarit.

Një audioregjistrim i gjatë ku Evi Kokalari thotë se në Shqipëri është më e famshme se Rama apo Berisha.

Pra, imagjinoni Evi Kokalari është më e famshme dhe më e rëndësishme në Shqipëri kur ka vetëm rreth 7 mijë ndjekës në “Facebook” dhe rreth 10 komente e një pjesë e njerëzve kur reagojnë e tallin dhe e ironizojnë.

Duket se është përtej qesharakes qëndrimi i Kokalarit, por ne nëpërmjet intervistës së plotë kemi mundur të kuptojmë se cili është qëndrimi i saj duke hedhur edhe akuza të padrejta ndaj CNA-së, duke gënjyer, duke thënë se ne ishim sjellë si miq me Evi Kokalarin, por më pas për shkak se kishim mbështetur Belind Këlliçin ishim përplasur me të.

E vërteta është krejt e kundërta.

Është Kokalari që ka ndërhyrë dhe ka tentuar të ndërhyjë pasi ka mbështetur Flamur Nokën, Sekretarin e Përgjithshëm të PD-së.

Ne jemi media, kemi raportuar çdo gjë për Flamur Nokën, për Belind Këlliçin e për këdo tjetër. Gjithashtu, Evi Kokalari e di mjaft mirë që ka kërkuar informacion për një biznesmen shumë të fuqishëm në Tiranë, një nga biznesmenët më të mëdhenj.

Në rast se nuk i disponon në telefonin e saj mund t’ia vëmë ne në dispozicion informacionet që kërkonte për një nga investitorët më të mëdhenj që ka Shqipëria, të cilin tentoi ta sulmonte, por më pas ka zhvilluar takim me njerëzit e tij.

CNA do të sjellë intervistën e zbardhur me titra të plotë, pa ndërhyrje, pasi ta publikojmë pjesë-pjesë për të treguar fytyrën e vërtetë të Evi Kokalarit, njeriut që është edhe më “e famshme” se Berisha apo Rama në Shqipëri./ CNA

 





Lajmet e fundit nga