web counter
LEXO PA REKLAMA!

SHKARKO APP

App Store
Google Play

Mul Noka nuk i bindet Evi Kokalarit

4 Tetor 2022, 22:09, Politikë CNA
Mul Noka nuk i bindet Evi Kokalarit
Flamur Noka dhe Evi Kokalari

Sot aktivistja Evi Kokalari ose e njohur ndryshe si Evi Angelakis, pas sulmeve ndaj të rinjve të FRPD-së, nuk ngurroi të sulmonte kreun e PD-së, Sali Berisha, dhe së fundi edhe sekretarin e Përgjithshëm, Flamur Noka, të cilin e “urdhëroi” të pushonte së foluri për zgjedhjet për kreun e FRPD-së.

“Flamur seriozisht pusho! Ju po bëni për budallenjë jo vetëm rininë, por demokratët dhe mediat qe ju janë kthyer te gjithe kundër se kanë sy, veshë dhe llogjikë!”, shkruante aktivistja në një postim në rrjetet sociale.

Por Flamur Noka nuk i është “bindur” aktivistes dhe ka hedhur poshtë akuzat e Kokalarit për manipulim të zgjedhjeve.

I ftuar në emisionin “Now” në "Euronews Albania", Noka u shpreh se për herë të parë në politikën shqiptare, një forum organizon dhe zhvillon vetë zgjedhjet, pa ndërhyrje partiake.

“Nuk ka asnjë dyshim për garën në forum. Çfarë ishte gara për forumin? Për herë të parë në Shqipëri, të rinjtë e një forumi rinor, organizojnë, drejtojnë dhe menaxhojnë vetë pa asnjë ndërhyrje partiake, një proces të shkëlqyer elektoral. Për herë të parë, ke parë që partia nuk ka caktuar, janë propozuar 6 kandidatë.

I janë nënshtruar një procesi dhe kanë bërë debat publik. Është zhvilluar një proces, asnjë kontestim zyrtar nga askush nuk ka. Unë i kuptoj, janë të rinj, kanë emocione, ka edhe artikulime në ajër. Prova, fakte, ankesa nuk ka. Kandidatët deri më tani, nuk kanë pasur kontestim”, theksoi Noka./ CNA.al





Lajmet e fundit nga